Santiago de Compostela, 10/11/2009.-
Nova web do Sindicato Nacional de Comisións Obreiras de Galicia: entra en www.galicia.ccoo.es
11-11-2009.- Desde o pasado día 4 de novembro o Sindicato Nacional de Comisións Obreiras de Galicia ten nova páxina web. O enderezo continúa a ser o mesmo: www.galicia.ccoo.es

Santiago de Compostela, 3/11/2009.-
CCOO pide medidas complementarias nos orzamentos autonómicos de 2010 para frear a destrución de emprego
Segundo os últimos datos do paro, o desemprego increméntase en Galicia por terceiro mes consecutivo como consecuencia da finalización da temporada de verán e do Plan E  
 
03-11-2009.- O Sindicato Nacional de Comisións Obreiras de Galicia (CCOO) reclama que nos orzamentos autonómicos de 2010 se establezan «medidas complementarias» para frear a destrución de emprego no noso país. Para a secretaria de Emprego do sindicato, Maica Bouza, o diálogo social, recentemente iniciado, é o «instrumento adecuado para actuar nesta dirección».

2/11/2009.-
O persoal do SERGAS concentrouse ante o Palacio de Congresos de Santiago de Compostela para esixir o cumprimento dos acordos
O pasado venres, a plataforma sindical da que forma parte CCOO, suspendeu a mesa sectorial debido á actitude negativa do Servizo Galego de Saúde  
 
02-11-2009.- O persoal do Servizo Galego de Saúde (SERGAS) concentrouse hoxe ante o Palacio de Congresos de Santiago de Compostela para esixir o cumprimento dos acordos así como unha mesa de negociación «con capacidade para decidir». O acto reivincativo fíxose coincidir coa presenza da conselleira de Sanidade, Pilar Farjas, quen acudira para presentar un evento.

Santiago de Compostela, 31/10/2009.-
Tres de cada catro traballadoras e traballadores do metal pontevedrés apoiaron o preacordo de convenio colectivo
31-10-200.- O 75% das traballadoras e traballadores do sector do metal da provincia de Pontevedra deron o seu apoio ao preacordo de convenio colectivo negociado por Comisións Obreiras e UGT.

Santiago de Compostela, 30/10/2009.-
Manifestación en Santiago de Compostela do persoal de emerxencias en defensa do servizo público
30-10-2009.- Esta mañá concentráronse ás portas do Parlamento de Galicia traballadoras e traballadores dos servizos de emerxencia para participar na manifestación en demanda da creación dun servizo público galego de prevención, extinción de incendios e salvamento e contra a súa privatización. A manifestación rematou en San Caetano coa lectura do manifesto conxunto asinado por Comisións Obreiras, CIG e UGT.

Vigo, 29/10/2009.-
Manifestación en Vigo da Plataforma en Defensa da Sanidade Pública
29-10-2009.- Hoxe tivo lugar unha manifestación en Vigo convocada pola Plataforma en Defensa da Sanidade Pública. A oposición ás privatizacións e o apoio ao carácter público do novo hospital centraron as reivindicacións.

Santiago de Compostela, 28/10/2009.-
CCOO e o grupo parlamentario socialista seguirán traballando para chegar a coincidencias en materia de lingua e ensino
Unha delegación de Comisións Obreiras entrevistouse este mediodía cos deputados do PSOE Francisco Cerviño e Guillermo Meijón  
 
28-10-2009.- Unha delegación do Sindicato Nacional de Comisións Obreiras de Galicia mantivo este mediodía unha entrevista co grupo parlamentario socialista para tratar cuestións sobre o conflito lingüístico así como temas relativos ao ámbito educativo. Os voceiros sindicais avaliaron positivamente a xuntanza e manifestaron a súa vontade de continuar a traballar conxuntamente para chegar a puntos de encontro.

Santiago de Compostela, 28/10/2009.-
O programa 'CCOOnéctate á Formación' realizou unha xornada en Santiago de Compostela sobre a acreditación de profesionalidade
A actividade foi inaugurada pola directora xeral de Formación e Colocación, e interviñeron diferentes especialistas do sindicato tanto no ámbito nacional como confederal  
 
21-10-2009.- O programa confederal 'CCOOnéctate á Formación' realizou en Santiago de Compostela unha nova xornada, desta volta titulada «Acreditación da profesionalidade: guías para unha ruta complexa», e na cal se explicou o Sistema Nacional de Cualificacións (SNC) e as vías existentes en Galicia e no estado para acreditar a profesionalidade.

Santiago de Compostela, 27/10/2009.-
CCOO critica a supresión da axuda de 200 euros anuais ás pensións non contributivas
A secretaria de Política Social, Adela Poisa, lembra que a Xunta bipartita mesmo se comprometera a incrementar esta paga ata os 300 euros anuais  
 
27-10-2009.- Comisións Obreiras (CCOO) critica a decisión da Xunta de Galicia de suprimir a axuda de 200 euros anuais ás pensións non contributivas. A secretaria de Política Social, Adela Poisa, considera que esta paga, a pesar da súa pequena contía, «era unha inxección económica para os segmentos de poboación máis desfavorecidos», cunhas prestacións de pouco máis de 300 euros mensuais.

Santiago de Compostela, 27/10/2009.-
A Federación de Ensino de CCOO responde á Xunta esixindo máis orzamento en educación e formación
O sindicato leva meses instando a Xunta a que dentro do plan de choque contra a crise se recolla un esforzo orzamentario específico en educación para o ano 2010  
 
27-10-2009.- A Federación do Ensino de Comisións Obreiras (CCOO—Ensino) demándalle á Xunta que ante a crise económica destine máis orzamento para 2010 a educación e formación. O sindicato responde así as declaracións realizadas onte polo conselleiro de Educación, Jesús Vázquez, na intervención de onte no Parlamento e que ían na dirección contraria, anunciando un recurte do 1,1%.

Santiago de Compostela, 27/10/2009.-
CCOO manterá mañá unha entrevista co grupo parlamentario socialista para tratar cuestións sobre lingua e educación
27-10-2009.- Unha delegación do Sindicato Nacional de Comisións Obreiras de Galicia manterá mañá ás 12 unha entrevista co grupo parlamentario socialista para trataren cuestións sobre o conflito lingüístico así como temas relativos ao ámbito educativo.

Santiago de Compostela, 23/10/2009.-
A Federación Agroalimentaria de CCOO informa de que foron declarados nulos os despedimentos de Conservas Carnota
A Xustiza considera que excederon as marxes legais permitidas e o sindicato considera que se freou unha actuación «torticeira e ilegal»  
 
23-10-2009.- A Federación Agroalimentaria de Comisións Obreiras de Galicia informa de que foron declarados nulos os despedimentos de Conservas Carnota por considerar a Xustiza que excedían as marxes legais permitidas. Para o sindicato, grazas a esta resolución xudicial logrouse frear unha actuación que consideran «torticeira e ilegal».

Santiago de Compostela, 23/10/2009.-
A Federación de Industria de CCOO presenta hoxe en conferencia e prensa con UGT o preacordo do metal
23-10-2009.- Hoxe, día 23 de outubro, ás 11 da mañá, CCOO e UGT presentan en conferencia de prensa o preacordo de convenio colectivo para o sector do metal da provincia de Pontevedra.

Santiago de Compostela, 23/10/2009.-
Sánchez Aguión demanda un proceso de diálogo social «áxil» para chegar o antes posible a acordos para combater a crise
As propostas de Comisións Obreiras terán como eixes centrais a protección social, a creación de emprego e o cambio de modelo produtivo  
 
22-10-2009.- O secretario xeral do Sindicato Nacional de CCOO, Xosé Manuel Sánchez Aguión, reclamou hoxe que a reanudación do diálogo social leve a un proceso «áxil» que permita chegar o antes posible a acordos para combater a crise. Así o fixo saber o dirixente sindical após a reunión que mantiveron esta mañá os representantes dos axentes sociais coa Consellaría de Traballo para retomar a concertación social.

Santiago de Compostela, 23/10/2009.-
CCOO considera «relativamente positivos» os datos da enquisa de poboación activa do terceiro trimestre do ano
O sindicato reafírmase en que o diálogo social é o instrumento para enfrontarse á situación e insta a «actuar xa» para que se poidan recoller medidas nos orzamentos autonómicos de 2010  
 
23-10-2009.- Comisións Obreiras (CCOO) considera «relativamente positivos» os datos da enquisa de poboación activa (EPA) do terceiro trimestre do ano, que recollen un descenso do paro do 4,81% (8.200 persoas). Con todo, desde a organización sindical advirten de que a caída chega acompañada dun aumento do emprego temporal e dun importante abandono do mercado laboral. Desde a Secretaría de Emprego do sindicato toman os datos con cautela, á espera do que poida ocorrer no último trimestre do ano.

Santiago de Compostela, 22/10/2009.-
CCOO apoia as concentracións que teñen lugar mañá para reclamar a liberación dos tripulantes do Alakrana
22-10-2009.- A Federación de Servizos á Cidadanía de Comisións Obreiras (FSC—CCOO) apoia as concentracións que van ter lugar mañá en diferentes puntos de Galicia e do País Vasco para reclamar a liberación dos tripulantes do pesqueiro Alakrana.

Santiago de Compostela, 22/10/2009.-
Un libro de Elena Gómez Gálkina é o sexto título da colección 'Testemuños' da Fundación 10 de Marzo
23-10-2009.- O libro Eu son eu e a miña memoria, de Elena Gómez Gálkina, é o sexto título da colección 'Testemuños' da Fundación 10 de Marzo. A autora, profesora de filosofía no IES As Fontiñas de Santiago de Compostela, recibiu hai dous anos o Premio en Innovación Educativa sobre Educación nos Valores Democráticos na categoría «Educación para a cidadanía e os dereitos humanos», convocado pola Consellaría de Educación e Ordenación Universitaria.

Santiago de Compostela, 21/10/2009.-
Comisións Obreiras critica a caída dos investimentos nas políticas de emprego
O sindicato lamenta que a Xunta de Galicia lles presentase o proxecto de orzamentos «tarde e xa entregado no Parlamento», polo que dubidan que o Executivo teña verdadeira vontade de diálogo  
 
21-10-2009.- Comisións Obreiras (CCOO) criticou hoxe a caída dos investimentos nas políticas de emprego que apreciaron no proxecto de orzamentos autonómicos para 2010 que lles presentou a Xunta de Galicia. Maica Bouza, secretaria de Emprego, Economía Social e Autoemprego do sindicato, insistiu en que é necesario reforzar o servizo público de emprego dado o seu papel como intermediador mediador real do mercado de traballo.

Vigo, 20/10/2009.-
A Plataforma pola Defensa da Sanidade Pública de Vigo organiza esta tarde un debate
Haberá unha manifestación o xoves día 29  
 
20-10-2009.- A Plataforma pola Defensa da Sanidade Pública de Vigo, da que forma parte CCOO, organiza ás 19:30 da tarde de hoxe un debate sobre os cambios de plans para construír o novo complexo hospitalario. Será no salón de actos do MARCO (r/Príncipe n.º 54, Vigo).

Santiago de Compostela, 20/10/2009.-
Hoxe constituíuse o novo Padroado da Fundación 10 de Marzo
Entre os proxectos máis inmediatos está a organización do VII Encontro de Investigadores sobre o Franquismo, que terá lugar a medidados de novembro en Santiago de Compostela  
 
20-10-2009.- Hoxe, martes día 20 de outubro, constituíuse en Santiago de Compostela o novo Padroado da Fundación 10 de Marzo (F10M), institución cultural promovida polo Sindicato Nacional de CCOO de Galicia ao abeiro da Lei de fundacións de interese galego. Inscrita no Rexistro de Fundacións de Interese Galego co número 15, foi constituída na capital galega o 25 de xuño de 1991.

Santiago de Compostela, 20/10/2009.-
FECOMA CCOO gaña as eleccións sindicais da empresa TRAGSA en Galicia
Onte, 19 de outubro, o persoal do grupo TRAGSA en Galicia referendou co seu voto que FECOMA CCOO gañara as eleccións sindicais  
 
20-10-2009.- Dos 44 delegados elixidos, as candidaturas de FECOMA obtiveron 20 representantes, por 17 de UGT, 6 de CSIF e 1 da CIG. A nosa federación tamén obtivo o maior número de votos, 367 (45,9%), fronte a 320 de UGT (40,1%), 92 de CSIF (11,5%) e 20 da CIG (2,5%).

20/10/2009.-
MANIFESTO SINDICAL contra a privatización da xestión das emerxencias e por un servizo público de prevención, extinción de incendios e salvamento
20-10-2009.- A Constitución Española consagra o dereito dos cidadáns e cidadás á súa seguridade como un dereito fundamental. A Lei 2/1985 de protección civil outórgalles ás comunidades autónomas a competencia para aseguraren a instalación, organización e mantemento dos servizos de prevención e extinción de incendios. A maior parte das CC AA cumpren con esta obriga, garantindo a seguridade dentro do seu territorio, implantando servizos propios de prevención e extinción de incendios e salvamento e promovendo leis que regulan eses servizos e as condicións de emprego dos profesionais que os prestan.

Santiago de Compostela, 20/10/2009.-
Comisións Obreiras denuncia a «situación límite» do persoal da empresa de limpeza Galeserga
Segundo a Federación de Actividades Diversas, a empresa alega que non poden ingresar as nóminas das traballadoras e traballadores porque os seus clientes deixaron de pagar  
 
20-10-2009.- Comisións Obreiras (CCOO) denuncia a «situación límite» do persoal da empresa Galeserga, dedicada a control de accesos, limpeza e servizos auxiliares. A maior parte das traballadoras e traballadores de control de accesos e axuliares non cobraron aínda as nóminas de agosto e setembro, así como as horas extraordinarias realizadas desde xaneiro. Pola súa parte, o persoal dedicado á limpeza non cobrou o mes de setembro —tampouco os da nova empresa Heras— como tampouco os atrasos do convenio correspondentes a 2008.

Santiago de Compostela, 19/10/2009.-
Máis de 300 persoas homenaxearon a Xan María Castro
18-10-2009.- O pasado venres, día 16 de outubro, máis de 300 persoas déronse cita no Hotel Congreso (Montouto, Teo) para homenaxear a Xan María Castro Paz, quen ata o pasado mes de marzo e durante os últimos nove anos foi o Secretario Xeral do Sindicato Nacional de CCOO.  
 

s, 19/10/2009.-
CCOO denuncia que no 2009 mantivéronse os déficits estruturais na defensa contra incendios forestais de Galicia
19-10-2009.- O Sector da Administración Autonómica de CCOO celebra que os datos da superficie queimada no que vai de ano sexan o 10% (10.000 ha) do que se queimou en 10 días no ano 2006 e que o número de lumes descendese á metade da media (3.741 lumes) dos últimos anos. Para CCOO estes datos, aínda sendo positivos, seguen suscitando importantes dúbidas de fondo. Como segue sendo posible que, cun clima favorable no verán deste ano (e dos anteriores 2007 e 2008) sigamos tendo o 50% de todos os lumes do estado, e se sigan calcinado ano tras ano máis da metade das hectáreas que arden en todo o territorio español?

Santiago de Compostela, 16/10/2009.-
CCOO denuncia que o Goberno autonómico impón perda de poder adquisitivo ás empregadas e empregados públicos da Xunta
16-10-2009.- A Área Pública de CCOO INFORMA de que na xuntanza da Mesa Xeral dos Empregados Públicos de Galicia de onte consumouse o que a conselleira de Facenda xa viña anunciando con insistencia e irresponsabilidade nos medios de comunicación dende que tomou posesión: a decisión unilateral, que xa tiña tomada, de impoñer a PERDA DE PODER ADQUISITIVO a TODOS OS EMPREGADOS E EMPREGADAS PÚBLICOS da XUNTA DE GALICIA.

Santiago de Compostela, 16/10/2009.-
O Sindicato Nacional de Comisións Obreiras chama a recuperar os consensos básicos políticos e sociais sobre a lingua
A organización sindical subscribe o manifesto «Galego, patrimonio da humanidade», e en consecuencia vai apoiar todas as mobilizacións coincidentes cos obxectivos dese texto  
 
16-10-2009.- En relación coa manifestación convocada para este domingo, día 18, en defensa da lingua galega, o Sindicato Nacional de Comisións Obreiras de Galicia (CCOO) lembra que subscribe o manifesto «Galego, patrimonio da humanidade», e que en consecuencia vai apoiar todas as mobilizacións que coincidan cos obxectivos deste texto.

Santiago de Compostela, 16/10/2009.-
CCOO pide que os orzamentos incrementen a protección social, favorezan a creación de emprego e estimulen a economía
O sindicato avaliou hoxe «con preocupación» os recortes en ensino, sanidade, protección social e promoción do emprego que aprecia no proxecto presentado pola Xunta de Galicia  
 
16-10-2009.- Comisións Obreiras (CCOO) pediu hoxe que os orzamentos galegos de 2010 reforcen o servizo público de emprego «como intermediador real do mercado laboral» e tamén o da propia Administración na súa vertente de estímulo económico.

Santiago de Compostela, 16/10/2009.-
Comisións Obreiras homenaxeou onte os republicanos asasinados en Sestás, na Guarda
16-10-2009.- Onte, xoves día 15 de outubro, ás 12 horas, a Unión Comarcal de Comisións Obreiras de Vigo e a Federación de Pensionistas e Xubilados do sindicato conmemoraron o aniversario da foxa común de Sestás, na Guarda, onde foron soterrados tanto demócratas republicanos antifranquistas como tamén persoas que foron vítimas das pésimas condicións do campo de concentración de Camposancos.  
 

Santiago de Compostela, 14/10/2009.-
Comisións Obreiras homenaxea as vítimas de Sestás e Camposancos
Con este acto o sindicato reafirma o se ucompromiso con todas as persoas que loitaron polas liberdades  
 
14-10-2009.- Mañá, xoves día 15 de outubro, ás 12 horas, a Unión Comarcal de Comisións Obreiras de Vigo e a Federación de Pensionistas e Xubilados do sindicato conmemoran o aniversario da foxa común de Sestás, na Guarda, onde foron soterrados tanto demócratas republicanos antifranquistas como tamén persoas que foron vítimas das pésimas condicións do campo de concentración de Camposancos.

Santiago de Compostela, 14/10/2009.-
CCOO gaña as eleccións sindicais en Unitono a pesar das presións da empresa
O sindicato recibiu o apoio do 60% das persoas que exerceron o seu dereito ao voto e logrou cinco representantes no comité de empresa  
 
14-10-2009.- Comisións Obreiras (CCOO) gañou as eleccións sindicais na empresa Unitono, dedicada ao telemárketing e operadores de Unión Fenosa. Dun total de 193 persoas en plantel, a maioría, 180, exerceron o dereito ao voto. Con 108 sufraxios ao seu favor (o 60% dos emitidos), CCOO logrou 5 representantes no comité por 4 de UGT.

Santiago de Compostela, 14/10/2009.-
Asinado o 2.º convenio do transporte sanitario de Galicia (ambulancias)
Este convenio, asinado para o 2009 e 2010, afecta a un total de 900 traballadores e traballadoras en Galicia  
 
14-10-2009.- Asinouse o 2º CONVENIO DO TRANSPORTE SANITARIO DE GALICIA (ambulancias). Foi asinado por CCOO e UGT —non o fixo a CIG— e ten vixencia para os anos 2009-2010.

Santiago de Compostela, 13/10/2009.-
O comité de empresa de Panrico SLU denuncia que a empresa confirma que non investirá na planta de Galicia
A representación legal dos traballadores e das traballadoras solicitou a «inmediata intervención» da Xunta para garantir os postos de traballo  
 
13-10-2009.- Na reunión mantida hoxe entre Panrico SLU e a representación legal das e dos traballadores, a empresa confirmou que non existen previsións nin de investimentos tecnolóxicos nin económicos para a planta de Santiago de Compostela. O comité informa tamén de que a dirección manterá reunións individuais co cadro de persoal a fin de lograr unha redución do plantel.

Santiago de Compostela, 13/10/2009.-
CCOO sinala que o incremento no número de ERE presentados está directamente ligado á evolución da actividade económica
A inmensa maioría dos expedientes de regulación de emprego presentados consisten na suspensión temporal de contratos  
 
13-10-2009.- Durante os oito primeiros meses do ano, en Galicia presentáronse 821 expedientes de regulación de emprego (ERE), que afectaron a 16.563 persoas; datos xa superan os rexistrados en todo 2008 (622 ERE presentados e 8.474 afectados). A día de hoxe, 563 destes expedientes xa foron resoltos, e 382 —case o 68%— pactáronse coas organizacións sindicais ou coa representación legal dos traballadores e traballadoras.

Santiago de Compostela, 13/10/2009.-
CCOO, ANPE e CSIF esixen aclaracións ante a alarma creada no profesorado substituto polas citacións da Inspección de Traballo
As tres organizacións sindicais ratifican a validez da addenda de 2006 sobre o acordo de 20 de xuño de 1995 de acceso á Función Pública Docente do profesorado interino ou substituto  
 
13-10-2009.- A Federación do Ensino de Comisións Obreiras (CCOO—Ensino) e os sindicatos ANPE e CSIF esixen que a Consellaría de Educación realice as oportunas aclaracións ante a alarma creada no profesorado substituto polas citacións da Inspección de Traballo.

Vigo, 9/10/2009.-
CCOO, UGT e CIG denuncian que o 'popular' Chema Figueroa busca a crispación e o enfrontamento cos sindicatos «valéndose de mentiras»
09-10-2009.- Os secretarios comarcais de Vigo dos sindicatos CCOO, UGT e CIG, Pepe Cameselle, Antonio Juste e Xeraldo Abraldes, denunciaron perante os medios de comunicación as mentiras que o concelleiro do PP, Chema Figueroa, está a verter publicamente contra os tres sindicatos en temas tan importantes como son o futuro do 4.º Hospital e o Plan E.

Santiago de Compostela, 8/10/2009.-
Máis de 5.000 persoas, convocadas por UGT e CCOO, reclamaron en Santiago “traballo decente”
07-10-2009.- Baixo o lema de “Traballo decente”, máis de 5.000 persoas saíron ás rúas compostelás convocadas por CCOO e UGT, nunha manifestación enmarcada na Xornada Mundial polo Traballo Decente que se celebrou en todo o mundo, por segundo ano consecutivo, convocada pola Confederación Sindical Internacional (CSI).  
 

DISCURSO DE SÁNCHEZ AGUIÓN  
 
 
 
AUDIOGALERÍA DA MANIFESTACIÓN  
 
 

Santiago de Compostela, 7/10/2009.-
CCOO denuncia que Medio Rural está a dilapidar máis de 600 mil euros na indumentaria do persoal veterinario
07-10-2009.- CCOO informa de que a Xunta de Galicia concede mediante Resolución de adxudicación definitiva (Expediente 22/09), do 11 de agosto de 2009: «servizo de xestión integral da indumentaria para traballos de sanidade animal» á empresa GESPAL LA PALOMA, S. L., para uniformar o persoal veterinario adscrito á Consellería de Medio Rural, por un período de tres anos. Esta empresa forma parte da multinacional francesa ELIS e ten a súa sede en Mos (Pontevedra).

Ourense, 7/10/2009.-
COMUNICADO: O Xulgado do Social dálle a razón a CCOO nas demandas contra o Concello de Xinzo
07-10-2009.- Unha vez máis, a irresponsabilidade dos xestores do Concello de Xinzo de Limia e o incumprimento das obrigas e compromisos acadados obriga os traballadores e traballadoras do Concello a ter que acudir ao xulgado para que por esta vía se garantan e recoñezan os seus dereitos.

Santiago de Compostela, 6/10/2009.-
FECOMA—CCOO esixe a aclaración das responsabilidades tras o accidente ocorrido en Ferrol no que un traballador perdeu un brazo
06-10-2009.- Hoxe produciuse outro accidente moi grave na canteira de Lamas, sita no concello de San Sadurniño. Séguense incrementando así os altos índices de sinistralidade que padecemos no noso sector da construción.

5/10/2009.-
CCOO dá unha conferencia de prensa centrada nas posibles fusións entre caixas de aforros
05-10-2009.- A Federación de Servizos Financeiros e Administrativos de Comisións Obreiras de Galicia (COMFIA—CCOO) convoca unha conferencia de prensa para mañá, martes día 6 de outubro, ás 12:30 horas, centrada nas posibles fusións entre caixas de aforros.

Santiago de Compostela, 5/10/2009.-
Comisións Obreiras chama a unha grande mobilización polo traballo decente o día 7 de outubro
Xosé Manuel Sánchez Aguión instou a Xunta a retomar o diálogo social e criticou o «afán privatizador» do goberno galego  
 
05-10-2009.- O Sindicato Nacional de Comisións Obreiras de Galicia (CCOO) chama a unha grande mobilización polo traballo decente o día 7 de outubro, en especial na manifestación que sairá da Alameda de Santiago de Compostela ás 19:30. Así o pediu o secretario xeral da organización sindical, Xosé Manuel Sánchez Aguión, nunha conferencia de prensa conxunta con UGT—Galicia.  
 

Santiago de Compostela, 5/10/2009.-
Comisións Obreiras acusa a Xunta de pretender facer austeridade «á custa dos servizos sociais»
O sindicato critica a recente supresión do servizo de canguros, que atendía menores de 0 a 12 anos de 38 concellos do país  
 
05-10-2009.- A Secretaría de Política Social do Sindicato Nacional de Comisións Obreiras (CCOO) denuncia a supresión «pouco a pouco» das partidas orzamentarias destinadas aos servizos sociais, e critica a interpretación que a Xunta de Galicia fai do concepto «austeridade».

Santiago de Compostela, 5/10/2009.-
CCOO—Ensino solicitou unha reunión da mesa sectorial de universidades para tratar as pagas extras do profesorado
O sindicato esixe a fin da discriminación do colectivo, único que non cobra conceptos análogos aos do profesorado do ensino público non universitario  
 
05-10-2009.- A Federación do Ensino de Comisións Obreiras de Galicia (CCOO—Ensino) solicitou unha reunión da mesa sectorial de universidades para tratar as pagas extras do profesorado. O sindicato esixe a fin da discriminación deste colectivo, o único que non cobra conceptos análogos aos que xa está cobrando o profesorado de pública non universitaria e o persoal non docente das universidades.

Santiago de Compostela, 5/10/2009.-
COMFIA—CCOO explica en conferencia de prensa as esixencias ante calquera proceso de fusión de caixas
O sindicato tamén presentou un documento sobre o FROB como instrumento para a recuperación económica  
 
05-10-2009.- A Federación de Servizos Financeiros e Administrativos de Comisións Obreiras de Galicia (COMFIA—CCOO) deu hoxe unha conferencia de prensa na explicou as esixencias do sindicato ante calquera proceso de fusión de caixas.

Santiago de Compostela, 2/10/2009.-
Comisións Obreiras e UGT-Galicia explican en conferencia de prensa os actos da Xornada Mundial polo Traballo Decente
O 7 de outubro, unha manifestación sairá da Alameda de Santiago de Compostela ás 19:30 horas  
 
02-10-2009.- UGT-Galicia e o Comisións Obreiras convocan unha conferencia de prensa para o vindeiro luns, día 5 de outubro, ás 11:30 horas, para explicar os actos da segunda Xornada Mundial polo Traballo Decente, que terá lugar dous días despois. Será na sala de prensa do Sindicato Nacional de CCOO (r/ Miguel Ferro Caaveiro n.º 8).

Santiago de Compostela, 2/10/2009.-
CCOO insta a Xunta con carácter «urxente» a reabrir o diálogo social para analizar a conxuntura
O sindicato considera que os orzamentos autonómicos de 2010 «son o instrumento de actuación inmediata na que deben aparecer as medidas adecuadas para encarar a crise»  
 
02-10-2009.- O Sindicato Nacional de Comisións Obreiras (CCOO) considera «urxente» reabrir o diálogo social en Galicia para analizar unha conxuntura «na que non albiscamos cambios nin no contexto nin na tendencia do emprego» e «propor as medidas adecuadas para superar a situación», sinala Maica Bouza, secretaria de Emprego da organización sindical.

Santiago de Compostela, 2/10/2009.-
Comisións Obreiras sinala que a Xunta «actúa con manifesta irresponsabilidade» na Función Pública
O sindicato sinala que é «imprescindible» acometer os procesos de diálogo que sexan necesarios nos ámbitos administrativo, educativo e sanitario «para resolver os graves problemas actuais»  
 
02-10-2009.- Comisións Obreiras (CCOO) sinala que a Xunta «actúa con manifesta irresponsabilidade» na Función Pública. O sindicato sinala que é «imprescindible» acometer os procesos de diálogo que sexan necesarios nos ámbitos administrativo, educativo e sanitario «para resolver os graves problemas actuais».

Santiago de Compostela, 2/10/2009.-
CCOO insta o Goberno central a habilitar as medidas necesarias para que os pesqueiros do Índico poidan traballar con garantías
O sindicato chama a unha «actuación inmediata» do Executivo e solidarízase coas familias dos tripulantes secuestrados  
 
02-10-2009.- Ante o secuestro do atuneiro Alakrana, con tripulación galega, en augas do océano Índico, Comisións Obreiras (CCOO) chama a unha «actuación inmediata» do Goberno español e que trasmita toda a información posible ás familias.

Vigo, 2/10/2009.-
Asemblea multitudinaria de delegados e delegadas sindicais de CCOO da comarca de Vigo para preparar a XMTD
02-10-2009.- A asemblea contou coa presenza de Xosé Cameselle, Ramón Górriz e Xosé Manuel Sánchez Aguión. As súas intervencións fixaron a “folla de ruta” de CCOO para os vindeiros meses, centrándoa na recuperación do diálogo social, na intervención sobre o modelo de crecemento sostible e na mobilización para a defensa dos dereitos dos traballadores.

Ourense, 1/10/2009.-
A xustiza declara nulos os tres despedimentso na ourensá Farmacéutica Yebra
01-10-2009.- Recentemente celebrouse o xuízo polo despedimento dun delegado sindical de CCOO na empresa farmacéutica Yebra, S. L. Os tribunais declararon nulo este despedimento, como fixera anteriormente cos outros dous que se produciran na empresa.

Santiago de Compostela, 1/10/2009.-
Celebrada a II Conferencia do Sector da Administración do Estado (SAE) en Galicia
01-10-2009.- Onte, 30 de setembro, celebrouse a 2.ª Conferencia do SAE-Galicia nos Robles, para elixir o seu coordinador e a Comisión Executiva. Fernando Varela Aradas, 'Fren', resultou elixido coordinador cun amplísimo apoio.

Santiago de Compostela, 1/10/2009.-
O persoal da empresa de limpeza Clece mobilízase con CCOO
Protagonizarán mañá, venres día 2 de outubro, un acto de protesta coincidindo co comezo do curso na Universidade de Santiago de Compostela  
 
01-10-2009.- O persoal da empresa de limpeza Clece, adscrito ao servizo da Universidade de Santiago de Compostela (USC), mobilízase con Comisións Obreiras (CCOO) e protagonizará mañá, venres día 2 de outubro, ás 11 da mañá, un acto de protesta coincidindo co inicio do curso universitario na sede do Reitorado.

Santiago de Compostela, 1/10/2009.-
A Área Pública de CCOO pronúnciase sobre os orzamentos xerais da Xunta para 2010
O sindicato esixe que se respecte o dereito á negociación colectiva e que se convoque «de maneira inmediata» a Mesa Xeral da Función Pública  
 
01-10-2009.- A Área Pública do Sindicato Nacional de Comisións Obreiras (CCOO) convoca os medios de comunicación a unha conferencia de prensa que terá lugar mañá, venres día 2 de outubro, ás 12 horas. Na comparecencia, portavoces das federacións de Sanidade, Ensino e Servizos á Cidadanía pronunciaranse sobre os orzamentos xerais da Xunta para 2010.

A Coruña, 30/9/2009.-
OPINIÓN: «O orzamento en tempos de recesión», por Manuel Lago
30-09-2009.- Na análise e valoración do proxecto dos orzamentos xerais do Estado para 2010 hai que introducir unha clave fundamental: é a primeira vez en dezasete anos que un goberno, sexa do PSOE ou do PP, ten que facer un orzamento nun escenario de recesión económica. Ata 2008, a economía española levaba encadeando 59 trimestres consecutivos de crecemento no que foi o máis longo e intenso ciclo de expansión económica coñecido no noso país.

Santiago de Compostela, 30/9/2009.-
O persoal de BIS mobilízase con CC OO para esixir que Cyrgasa manteña os postos de traballo
30-09-2009.- O persoal de BIS Multiservicios Industria, subcontrata de Alcoa para a fabricación de andamiaxes, mobilízase con Comisións Obreiras (CCOO) para esixir que Cyrgasa, nova concesionaria do servizo, manteña os postos de traballo.

Santiago de Compostela, 30/9/2009.-
CCOO volve gañar as eleccións sindicais en Peletería Senda pola súa aposta en conservar os postos de traballo ante o ERE
As traballadoras e traballadores da empresa danlle novamente unha «confianza total» a Comisións, que logra os tres delegados do comité  
 
30-09-2009.- A Federación de Industrias Téxtiles, Químicas e Afíns de Comisións Obreiras (FITEQA—CCOO) da comarca de Compostela informa de que volveu gañar esta semana as eleccións sindicais en Peletería Senda. Segundo o sindicato, as traballadoras e traballadores da empresa déronlle unha «confianza total» a esta organización, que logrou os tres delegados de que se compón o comité.

Santiago de Compostela, 28/9/2009.-
CCOO demanda máis medios e recursos para lograr un ensino público de calidade
O sindicato denuncia os «numerosos ataques ao ensino público» por parte da Consellaría de Educación  
 
28-09-2009.- Comisións Obreiras (CCOO) demanda máis medios e recursos para lograr un ensino público de calidade. Por este motivo, apoia as mobilizacións convocadas pola Confapa, pois entenden que a Consellaría de Educación, desde que tomaron posesión os novos xestores, está a cometer «numerosos ataques ao ensino púlbico».

A Coruña, 28/9/2009.-
CCOO manifesta a súa satisfacción polo acordo acadado entre Serunión e o CHUAC ante a reapertura da cafetería do complexo hospitalario
28-09-2009.- O Sindicato Comarcal de Hostalaría e Comercio de CCOO da Coruña considera que é un bo acordo o que acaban de asinar hoxe pola tarde a Xerencia do Complexo Hospitalario Universitario da Coruña (CHUAC) e Serunión, empresa concesionaria do servizo da cafetaría.

A Coruña, 27/9/2009.-
Para o luns, 28 de setembro de 2009, concentración en defensa dos postos de traballado da cafetería do CHUAC
Será das 9 ás 11 da mañá  
 
27-09-2009.- CCOO ten convocada unha concentración en defensa dos postos de traballo da cafetería do CHUAC (Centro Hospitalario Universitario da Coruña).

Santiago de Compostela, 25/9/2009.-
CCOO analiza en conferencia de prensa temas de actualidade do sector agroalimentario galego e estatal
25-09-2009.- Os días 28 e 29 de setembro reunirase no Hotel Ciudad de Vigo (r/Concepción Arenal n.º 5) o Consello Confederal da Federación Agroalimentaria de CCOO, que debaterá diversos temas incluídos no Informe xeral. Os medios de comunicación están convocados a unha conferencia de prensa que terá lugar o luns, día 28, ás 12 horas, nas instalacións do hotel.

Santiago de Compostela, 25/9/2009.-
A Federación Agroalimentaria de CCOO denuncia o intento de peche da planta de Panrico en Santiago de Compostela
25-09-2009.- A Federación de Agroalimentaria de Comisións Obreiras (CCOO) denuncia o intento de peche da planta que Panrico ten en Santiago de Compostela. O sindicato denuncia que a empresa está a crear á mantenta as condicións que permitan pechar as instalacións.

Santiago de Compostela, 25/9/2009.-
CCOO solidarízase co persoal de J. J. Chicolino e espera que a empresa poida saír adiante e manter os postos de traballo
25-09-2009.- Comisións Obreiras solidarízase co persoal de J. J. Chicolino, empresa de Boiro cuxas instalacións arderon por causas que aínda se descoñecen. Desde a Federación de Industrias Téxtiles, Químicas e Afíns (FITEQA-CCOO) esperan que a empresa poida saír adiante e manter os preto de 80 postos de traballo actuais.

Vigo, 25/9/2009.-
CCOO de Vigo esixen a construción das infraestruturas xudiciais que a cidade necesita con urxencia
25-09-2009.- Onte, o secretario xeral da Unión Comarcal de CCOO, Pepe Cameselle, o secretario xeral da Federación de Servizos á Cidadanía da comarca, Tino Novoa, e o coordinador xeral de Galicia de Xustiza, Pablo Valeiras, tiveron unha xuntanza co alcalde do Concello de Vigo co fin de transmitirlle a súa preocupación polos sucesivos atrasos que está a sufrir a construción das infraestruturas xudiciais na cidade: a Cidade da Xustiza, a problemática das salas da Audiencia Provincial e a creación do novo xulgado de Familia e do Mercantil.

A Coruña, 25/9/2009.-
O vindeiro luns, conferencia de prensa na Coruña para tratar a situación de Bunge
25-09-2009.- Convócase unha CONFERENCIA DE PRENSA para o luns, 28 de setembro de 2009, ás 12:00 horas, na sala de xuntas núm. 1 de CCOO, no 4.º andar do Edificio Sindicatos (Avda. Alfonso Molina, km 2, detrás do edificio da SEAT).

Santiago de Compostela, 23/9/2009.-
CCOO cualifica de «vergoñenta» a xestión da sanidade pública e denuncia o «escurantismo» da Administración
O sindicato critica a actitude da Consellaría coa representación do persoal, os incumprimentos de diferentes acordos e a descoordinación no referente á gripe A  
 
23-09-2009.- Comisións Obreiras (CCOO) cualificou esta mañá en conferencia de prensa de «vergoñenta» a xestión que se está a facer no sistema sanitario público. Lola González, secretaria xeral da Federación de Sanidade do sindicato, denunciou que se culpe as e os profesionais da saúde de situacións que se deben á actual «mala xestión dos recursos técnicos e humanos».

Santiago de Compostela, 22/9/2009.-
CCOO solicita unha entrevista coa Consellaría de Educación para tratar as reivindicacións do persoal laboral dos centros
A Federación do Ensino do sindicato quere facer co departamento autonómico unha valoración do inicio do curso escolar, que este ano comezou «de modo conflitivo»  
 
22-09-2009.- Comisións Obreiras (CCOO) solicita unha entrevista coa Consellaría de Educación para tratar as reivindicacións do persoal laboral. A Federación do Ensino do sindicato quere facer co departamento autonómico unha valoración do inicio do curso escolar, pois consideran que este ano comezou «de modo conflitivo» debido a cuestións relacionadas co desenvolvemento organizativo dos centros educativos.

Santiago de Compostela, 22/9/2009.-
CCOO informará en conferencia de prensa dos incumprimentos da Consellaría de Sanidade
Será na sala de prensa do sindicato o mércores, día 23, ás 11 da mañá  
 
22-09-2009.- Comisións Obreiras (CCOO) convoca unha conferencia de prensa que terá lugar mañá, mércores día 23 de setembro, ás 11 horas, na sala de prensa do sindicato. Na comparecencia perante os medios de comunicación informarase dos diferentes incumprimentos da Consellaría de Sanidade.

Santiago de Compostela, 22/9/2009.-
CCOO apoia o novo calendario de mobilizacións nas EOI
Haberá peches en todas as escolas oficiais de idiomas durante o mes de outubro  
 
22-09-2009.- Logo do éxito da anterior convocatoria de folga, que tivo un seguimento do 90%, Comisións Obreiras (CCOO) e o resto de organizacións sindicais convocaron o persoal das escolas oficiais de idiomas (EOI) a unha asemblea que tivo lugar hoxe.

Santiago de Compostela, 18/9/2009.-
O CSIr Galicia—Norte de Portugal e o EURES asinan un convenio para realizar actividades no período 2009—2010
18-09-2009.- O Consello Sindical Interrexional (CSIr) Galicia—Norte de Portugal e o EURES asinaron este mediodía en Valença do Minho un convenio para realizar actividades no período 2009—2010. En representación do CSIr plasmou a súa rúbrica o seu presidente, Xosé Manuel Sánchez Aguión, secretario xeral do Sindicato Nacional de CCOO. Como parte da delegación do sindicato estivo tamén Xavier Dongil, secretario de Acción Sindical Internacional.

Santiago de Compostela, 17/9/2009.-
CCOO logra a conversión en fixos de 24 postos de traballo nunha empresa de Viveiro
Estas vinte e catro persoas son todas mulleres e representan preto dun terzo do cadro de persoal  
 
17-09-2009.- Comisións Obreiras (CCOO) logrou a conversión en fixos continuos de 24 postos de traballo na factoría que Hijos de Carlos Albo S. A., empresa dedicada á conserva, ten na localidade de Celeiro (no concello mariñao de Viveiro).

Santiago de Compostela, 16/9/2009.-
Orzamentos 2010: CCOO reclama unha aposta polo emprego, pola protección social e polo cambio de modelo produtivo
O sindicato cualifica de «desoladora» a previsión de ingresos da Xunta de Galicia  
 
16-09-2009.- A secretaria de Emprego do Sindicato Nacional de Comisións Obreiras (CCOO), Maica Bouza, cualificou de «desoladora» a previsión de ingresos da Xunta nos orzamentos autonómicos de 2010, cun descenso anunciado de 1.500 millóns. Así o explicou a dirixente sindical logo da reunión desta mañá coa conselleira de Facenda, Marta Fernández Currás.

Santiago de Compostela, 11/9/2009.-
CCOO reclama que a Consellaría de Educación retome a vía do diálogo e da negociación
A Federación do Ensino propón un pacto pola educación en Galicia para solucionar co suficiente consenso diferentes problemáticas  
 
11-09-2009.- A Federación do Ensino de Comisións Obreiras (CCOO-Ensino) convocou hoxe unha conferencia de prensa para avaliar o inicio do curso escolar —que comezou onte— e explicar o recurso contra as axudas públicas aos centros concertados que segregan o alumnado por sexos.

Vigo, 11/9/2009.-
Nova concentración dos comités de empresa do Faro de Vigo e Celta Gráficas contra os despedimentos
11-09-2009.- Por volta de cen sindicalistas concentráronse diante do edificio administrativo da Xunta de Galicia en Vigo para denunciaren que se subvencione con diñeiro público unha empresa que o utiliza para despedir persoal fixo e substituílo por subcontratas

Santiago de Compostela, 10/9/2009.-
CCOO-Ensino apoia as reivindicacións dos equipos directivos dos centros públicos
O sindicato denuncia o incremento da carga de traballo burocrático das últimas medidas da consellaría de Educación  
 
10-09-2009.- A Federación do Ensino de Comisións Obreiras de Galicia (CCOO-Ensino) apoia as reivindicacións dos equipos directivos dos centros públicos ante o incremento da carga de traballo burocrático. O sindicato leva tempo a denunciar que as últimas medidas da Consellaría de Educación implican un aumento deste tipo de tarefas, dificultando que os equipos directivos se poidan dedicar ás tarefas de organización e propiamente de dirección.

Madrid, 10/9/2009.-
CCOO quere un acordo a tres anos cunha suba salarial do 1% en 2010
10-09-2009.-  
Deberá incluír tamén a redución a un máximo do 8% das taxas de temporalidade en todas as administracións públicas, o desenvolvemento do Estatuto Básico do Empregado Público, a reordenación de efectivos dentro da Administración do Estado e un acordo sobre salarios.

Santiago de Compostela, 10/9/2009.-
CCOO e UGT presentan ao Goberno a súa proposta de acordo para o diálogo social na Función Pública
10-09-2009.- A Área Pública de CCOO –composta polas Federacións de Servizos á Cidadanía, Sanidade e Ensino– e mais a Federación de Servizos Públicos de UGT remitiron onte ao Goberno un documento elaborado por ambas as organizacións para desenvolvelo no Foro do Diálogo Social para as Administracións Públicas.

Santiago de Compostela, 9/9/2009.-
A Xunta de Galicia privatizará integramente a xestión das emerxencias en todo o territorio galego en complicidade coas catro deputacións provinciais
09-09-2009.- Para CCOO chegou o momento de apurar o paso para frear a política privatizadora que dende a Xunta de Galicia pretende impoñer o Partido Popular para transformar irresponsablemente e de xeito definitivo a xestión das emerxencias, nun modelo insolidario, precario, interesado e desprofesionalizado

Santiago de Compostela, 9/9/2009.-
CCOO cifra nun 90% o seguimento da folga nas escolas oficiais de idiomas
Os sindicatos mobilizáronse para esixir que a Consellaría de Educación retire a circular sobre as EOI  
 
09-09-2009.- A Federación do Ensino de Comisións Obreiras de Galicia (CCOO-Ensino) cifra nun 90% o seguimento da folga nas escolas oficiais de idiomas do noso país. A medida, promovida por CCOO, CIG, FETE-UGT e STEG, adoptouse para reclamar que a Consellaría de Educación retire a circular sobre as EOI.

Vigo, 8/9/2009.-
O comité de empresa do Faro de Vigo denuncia que esta empresa emprega as subvencións que recibe da Xunta de Galicia para despedir persoal
08-09-2009.- Este xoves, 10 de setembro, e enmarcado nos actos iniciados o pasado 13 de xullo en defensa dos oito traballadores despedidos polo Faro de Vigo, haberá unha concentración dos comités de empresa de Faro de Vigo e Celta de Artes Gráficas, apoiados por CCOO, UGT e CIG, diante da sede da Xunta de Galicia en Vigo.

Santiago de Compostela, 4/9/2009.-
CCOO-Ensino denuncia que Educación «esqueceuse» da austeridade no seu programa de libros de texto
04-09-2009.- CCOO-Ensino denuncia que Educación «esqueceuse» da austeridade no seu programa de libros de texto. Para o sindicato, o programa supón un notable incremento do traballo burocrático para os centros educativos, o que é especialmente grave no caso dos que carecen de persoal administrativo.

Santiago de Compostela, 2/9/2009.-
Galicia volve á senda alcista do desemprego logo de tres meses consecutivos de descensos
02-09-2009.- Logo de analizar os últimos datos do paro, desde o Sindicato Nacional de Comisións Obreiras (CCOO) estímase que a economía galega «segue amosando síntomas de recesión». A organización sindical considera necesario un plan de actuación que permita superar as deficiencias do tecido produtivo e volver á senda da creación de emprego.

Santiago de Compostela, 2/9/2009.-
Posible folga nas Escolas Oficiais de Idiomas
02-09-2009.- As organizacións sindicais CCOO, CIG, FETE-UGT e STEG temos intención de convocar á folga o persoal docente das escolas oficiais de idiomas (EOI) de Galiza para os días 9 e 10 de setembro, co obxecto de que a Consellaría de Educación retire a circular das EOI.

Santiago de Compostela, 2/9/2009.-
CCOO-Ensino lamenta que a reunión convocada por Educación sobre a gripe A «non cumpriu as nosas expectativas»
Con todo, o sindicato avalía positivamente o feito de que a Consellaría convocase unha xuntanza deste tipo e espera que teña continuidade  
 
02-09-2009.- A Federación do Ensino de Comisións Obreiras de Galicia (CCOO-Ensino) lamenta que a reunión convocada pola Consellaría de Educación para informar sobre os protocolos de actuación ante a gripe A «non cumpriu as nosas expectativas». Con todo, Machús Fernández, secretaria xeral da Federación, avalía positivamente que o departamento educativo convocara unha xuntanza deste tipo e espera que teña continuidade.

Santiago de Compostela, 24/8/2009.-
HONDURAS o golpe de Estado e …
Artigo de opinión escrito por Ton Blanco Carballo, colaborador da Fundación 10 de Marzo.

Santiago de Compostela, 21/8/2009.-
CC OO esíxelle unha maior responsabilidade ao Goberno do PP
21-08-2009.- Dende a Federación de Sanidade e Servizos Sociosanitarios de CC OO asistimos atónitos a unha chea de declaracións nos dous últimos días sobre o problema creado coa decisión unilateral dos xestores do SERGAS de paralizar as famosas «peonadas».

Santiago de Compostela, 20/8/2009.-
CC OO considera que a directora xeral de Formación e Colocación da Xunta de Galicia debe poñer o seu cargo ao dispor da Consellería de Traballo
20-08-2009.- Dende CC OO consideramos un feito inadmisible que os cargos políticos non dean exemplo de responsabilidade, máximo cando desempeñan cargos sustentados con remuneracións públicas para propoñer ordes e facer cumprir a legalidade.

Santiago de Compostela, 10/8/2009.-
CCOO rexeita o dobre discurso do PP na Administración autonómica
Ao tempo que Feijóo anuncia a revisión da Administración paralela, o seu goberno adxudica asistencias técnicas por seis millóns de euros  
 
10-08-2009.- O Sector da Administración Autonómica de CCOO acolle con indignación a recente decisión da Xunta de Galicia de adxudicarlle a unha asistencia técnica externa a inspección de vertidos por seis millóns de euros. O sindicato cualifica esta decisión como unha dilapidación innecesaria xa que as funcións de inspección debe exercelas directamente a Administración autonómica.

Santiago de Compostela, 7/8/2009.-
CCOO recorrerá a decisión do Consello da Xunta de renovar o concerto económico aos centros que segregan por sexos
Para a Federación do Ensino do sindicato, non é asumible esta situación ao tempo que se recorta o investimento en libros de texto, persoal e formación do profesorado  
 
07-08-2009.- Comisións Obreiras (CCOO) critica a decisión do Consello da Xunta de lles renovar o concerto económico aos centros privados que segregan o alumnado por sexos. A Federación do Ensino do sindicato lembra que a Consellaría de Educación do goberno bipartito adoptou entre as súas últimas medidas a non continuidade destas axudas por seren contrarias á Lei orgánica de educación (LOE).

Santiago de Compostela, 5/8/2009.-
CCOO pide a fin das especulacións sobre a posible fusión das caixas galegas con entidades foráneas
O sindicato lembra que as súas prioridades son o mantemento do centro de decisión en Galicia, o emprego e a continuidade da obra social  
 
05-08-2009.- Ante os rumores sobre a posible fusión de caixas galegas con outras de fóra da comunidade autónoma, o Sindicato Nacional de Comisións Obreiras de Galicia (CCOO) lembra que se trata só de especulacións, xa que non existe ningún informe coñecido polos órganos de goberno das entidades supostamente afectadas.

Santiago de Compostela, 4/8/2009.-
CCOO insta as Administracións a adoptaren medidas antes de finalizar o período estival
En xullo baixou o desemprego por cuarto mes consecutivo e medraron a afiliación á Seguridade Social e os contratos rexistrados  
 
04-08-2009.- Os últimos datos do paro, coñecidos hoxe, revelan que en Galicia descendeu o desemprego no mes de xullo en 7.831 persoas. Para o Sindicato Nacional de Comisións Obreiras de Galicia (CCOO) trátase dun dato positivo, pero urxe a adoptar medidas no período estival. Desde a Secretaría de Emprego da organización sindical consideran que non se pode esperar a que finalice o Plan E de reactivación da economía e do emprego para ver como medra outra volta o paro e comezar a tomar novas medidas.

Santiago de Compostela, 30/7/2009.-
CCOO condena a acción terrorista de ETA en Calvià
O sindicato mostra o seu máis absoluto rexeitamento ao atentado cometido esta mañá e que lles custou a vida a dous axentes da Garda Civil  
 
30-07-2009.- CCOO amosa a súa máis absoluta condena ante o novo atentado terrorista cometido esta mañá pola banda terrorista ETA na localidade mallorquina de Calvià, consecuencia da cal perderon a vida dous axentes da Garda Civil.

Santiago de Compostela, 30/7/2009.-
CCOO e UGT cualifican o plan de choque do Goberno galego como insuficiente e desequilibrado
Ambos os sindicatos saúdan a actitude dialogante da Xunta e poñen en valor o diálogo social como instrumento para seguir traballando  
 
30-07-2009.- omo insuficiente e desequilibrado cualifican as comisións executivas do Sindicato Nacional de CCOO de Galicia e de UGT-Galicia o plan de choque aprobado hoxe polo Consello da Xunta e que se estivo a negociar cos axentes sociais ata onte.

Santiago de Compostela<, 29/7/2009.-
Informe do paro rexistrado en Galicia no 2.º trimestre de 2009
29-07-2009.- Publicamos para consulta e descarga o informe sobre o paro no 2.º trimestre deste ano.

Santiago de Compostela, 28/7/2009.-
CCOO considera «inadmisible» a supresión do bacharelato nocturno no CIFP Politécnico de Santiago de Compostela
O sindicato reclama un cambio de actitude da Consellaría de Educación, xa que a decisión se produce «sen previo aviso ao profesorado do centro», e ademais incumpre a promesa de mantelo por tres anos  
 
28-07-2009.- A Federación do Ensino de Comisións Obreiras de Galicia (CCOO—Ensino) demándalle á Consellaría de Educación un cambio de actitude respecto á decisión comunicada onte ao profesorado do CIFP Politécnico de Santiago de Compostela, sobre a retirada do Bacharelato nocturno neste centro.

Santiago de Compostela, 25/7/2009.-
Declaración do Sindicato Nacional de CCOO de Galicia con motivo da celebración do Día da Patria Galega de 2009
Este ano, o Día da Patria Galega vai estar marcado como poucos pola situación de crise económica, por iso desde o Sindicato Nacional de Comisións Obreiras entendemos que o mellor xeito de celebrar esta sentida data é ofrecendo, precisamente, propostas para afrontarmos con garantías estes complicados momentos.

Santiago de Compostela, 24/7/2009.-
CCOO insta a Xunta a retomar o diálogo social aberto co anterior Executivo para abordar a problemática do desemprego
Segundo os últimos datos da enquisa de poboación activa, con respecto ao segundo trimestre de 2008 o paro medrou máis dun 56%  
 
24-07-2009.- O Sindicato Nacional de Comisións Obreiras (CCOO) insta a Xunta a retomar o diálogo social aberto co anterior Executivo para abordar a problemática do desemprego. Para a organización sindical, o Executivo autonómico debe cumprir —e adecuar cando corresponda— o Acordo polo Emprego e o Plan de Competitividade. Ademais, reivindica a necesidade dun Pacto galego pola economía, a industria e a protección social para que Galicia saia reforzada da crise.

Santiago de Compostela, 23/7/2009.-
CCOO convoca unha concentración para esta mañá diante da UMAC de Ourense pola situación en Farmacéutica Yebra
Denuncian a vulneración dos dereitos e liberdades sindicais  
 
23-07-2009.- A Unión Comarcal de Comisións Obreiras de Ourense (CCOO) convoca para a mañá de hoxe, ás 10:30 horas, unha concentración ante a Unidade de Mediación, Arbitraxe e Conciliación (UMAC) polo conflito na empresa Farmacéutica Yebra.

Santiago de Compostela, 22/7/2009.-
CCOO demanda un cambio de actitude da Consellaría de Educación respecto das escolas oficiais de idiomas
Desde o sindicato sinalan que, coas súas decisións, o departamento educativo «só consegue desprestixiar o colectivo docente das EOI»  
 
22-07-2009.- A Federación do Ensino de Comisións Obreiras de Galicia (CCOO-Ensino) demándalle á Consellaría de Educación un cambio de actitude respecto das escolas oficiais de idiomas (EOI). A advertencia do sindicato débese á circular 5/2009 da Dirección Xeral de Educación, Formación Profesional e Innovación Educativa, pola que se ditan instrucións sobre o procedemento de admisión, matrícula e organización académica nestes centros para o próximo curso.

Santiago de Compostela, 22/7/2009.-
CCOO rexeita a concentración de hoxe en Peletería Senda por non considerala a acción máis adecuada no momento actual
O sindicato lembra que este acto reivindicativo non conta co apoio da totalidade do persoal  
 
22-07-2009.- A Federación de Industrias Téxtiles, Químicas e Afíns de Comisións Obreiras (FITEQA-CCOO) rexeita a concentración prevista para hoxe na tenda compostelá de Peletería Senda. O sindicato considera que non é a acción máis adecuada no momento actual, xa que a empresa está inmersa nun ERE e o acto reivindicativo só conta co apoio da metade do persoal.

Santiago de Compostela, 17/7/2009.-
CCOO asina o III Convenio Colectivo en General Dynamics
O sindicato salienta o aumento salarial do 1,75% sobre o IPC real durante os tres anos de vixencia  
 
17-07-2009.- Comisións Obreiras (CCOO) asinou o III Convenio Colectivo en General Dynamics, dona de Santa Bárbara, a fábrica de armas da Coruña. O sindicato salienta como puntos importantes do acordo o aumento salarial do 1,75% sobre o IPC real durante os próximos tres anose a mellora e medre nos diferentes complementos —sobre todo no de nocturnidade—.

Santiago de Compostela, 16/7/2009.-
O persoal de IPISA maniféstase esta tarde en Valdeorras en protesta polas mensualidades que lles adebeda a empresa
O comité, do que forma parte CCOO, informa de que a crise na pizarreira dura xa tres anos, e que moitas das traballadoras e traballadores levan case medio ano sen cobrar  
 
16-07-2009.- O comité de empresa de Iberoitaliana de Pizarras S.A. (IPISA) e os sindicatos Comisións Obreiras (CCOO) e CIG convidan a cidadanía a sumarse á manifestación que tará lugar esta tarde, ás 20 horas, na Praza Maior do Barco de Valdeorras.

Santiago de Compostela, 16/7/2009.-
Mañá, nova concentración contra os despedimentos no xornal Faro de Vigo
Ás 11:30 horas diante da delegación do diario na viguesa Rúa Uruguai  
 
16-07-2009.- Mañá, venres día 17 de xullo, ás 11:30 horas, haberá unha nova concentración contra os despedimentos no Faro de Vigo. Será diante da delegación viguesa do xornal, na Rúa Uruguai.

Santiago de Compostela, 16/7/2009.-
CCOO denunciou ante a directora de Recursos Humanos do SERGAS irregularidades nas retribucións do persoal
O sindicato criticou que se culpase as aplicacións informáticas de moitos dos erros, xa que algúns levan meses ou anos sen solución  
 
16-07-2009.-A Federación de Sanidade de Comisións Obreiras (CCOO) entrevistouse hoxe coa directora de Recursos Humanos do SERGAS. No encontro, a representación sindical denunciou irregularidades nas retribucións do persoal, así coma no cómputo da xornada do persoal dos puntos puntos de atención continuada (PAC).

Santiago de Compostela, 14/7/2009.-
Comezaron as mobilizacións contra os despedimentos de oito traballadoras no 'Faro de Vigo'
O venres, día 17 de xullo, haberá unha nova concentración diante da delegación do diario na viguesa Rúa Uruguai  
 
14-07-2009.- Este luns tiveron lugar as primeiras mobilizacións contra os despedimentos de oito traballadoras do diario Faro de Vigo. Pola mañá houbo unha concentración diante da delegación viguesa do xornal (Rúa Uruguai), e pola tarde houbo outra ante as instalacións da empresa en Chapela. Se finalmente non se dá marcha atrás nestes despedimentos, xa está previsto un novo acto reivindicativo para este venres, día 17, ás 11:30, novamente na Rúa Uruguai.

Santiago de Compostela, 13/7/2009.-
Comisións Obreiras solidarízase coas traballadoras e cos traballadores do sector leiteiro e apoia as súas reivindicacións
13-07-2009.- Comisións Obreiras (CCOO) solidarízase unha vez máis coas traballadoras e cos traballadores do sector leiteiro galego ante a complicada situación que están a vivir. Por este motivo, a organización sindical, ademais de compartir as reivindicacións das gandeiras e gandeiros, tamén apoia os diferentes actos convocados polo SLG, UU.AA., XX.AA. e AGACA no marco da 'Semana en Branco'.

Santiago de Compostela, 13/7/2009.-
CCOO rexeita a Lei Audiovisual porque desregula o sector e non garante o emprego
13-07-2009.- O sector de Medios de Comunicación de CCOO manifesta a súa preocupación polo anteproxecto de Lei Xeral da Comunicación Audiovisual, que foi elaborado polo executivo sen contar cos axentes sociais e que supón unha completa desregulación do sector, que non garante o emprego nin o desenrolo do sector nun momento de economía sostible. O anteproxecto derroga toda a lexislación vixente do sector: a Lei da terceira canle, a Lei da televisión privada, das emisoras municipais de radio, de televisión local, a Lei xeral de telecomunicacións, a Lei de impulso da televisión dixital terrestre, e así ata 14 leis. Si ben é certo que o sector requiría unha ordenación, sobre todo pola adecuación á normativa europea, tamén o é que este anteproxecto supón unha desregulación e non unha ordenación do sector.

Santiago de Compostela, 12/7/2009.-
Sánchez Aguión asume o luns a presidencia do Consello Sindical Interrexional Galicia—Norte de Portugal
Convócase unha conferencia de prensa para ese día ás 13 horas no Hotel Áttica 21 da Coruña  
 
12-07-2009.- O Consello Sindical Interrexional (CSIr) Galicia—Norte de Portugal convocou para mañá, luns día 13 de xullo, unha reunión da súa Asemblea Xeral na cidade da Coruña. No decurso desta xuntanza, o secretario xeral do Sindicato Nacional de Comisións Obreiras (CCOO), Xosé Manuel Sánchez Aguión, asumirá a presidencia de quenda do CSIr.

Santiago de Compostela, 10/7/2009.-
CCOO apoia as mobilizacións do comité de empresa do Faro de Vigo contra os despedimentos no xornal
O vindeiro luns, día 13 de xullo, haberá unha concentración diante das instalacións do diario na viguesa Rúa Uruguai e tamén en Chapela  
 
10-07-2009.- Comisións Obreiras (CCOO), UGT e CIG apoian as mobilizacións anunciadas polo comité de empresa do Faro de Vigo contra o despedimento de oito traballadoras no xornal decano da prensa española. Denuncian que se estea a executar un plan «para desfacerse do persoal máis veterano do plantel, substituíndoo por outro con menos dereitos».

Santiago de Compostela, 10/7/2009.-
A Consellaría de Educación cede ás presións sindicais e aplicará os criterios para agrupar o alumnado en todos os centros
Grazas a este acordo vanse crear 150 novos postos de traballo, e respéctase o asinado no seu día na mesa sectorial  
 
10-07-2009.- A Consellaría de Educación cedeu finalmente ás presións de Comisións Obreiras (CCOO) e do resto de organizacións sindicais, e aplicará os criterios de agrupamento de alumnado en todos os centros, tanto nos que haxa que suprimir como naqueles en que isto supoña a creación de novas aulas. Segundo CCOO—Ensino, esta decisión respecta o pacto da mesa sectorial e implicará a creación de 150 postos de traballo.

Santiago de Compostela, 9/7/2009.-
Mañá, encontro en Valladolid dos secretarios xerais de CCOO de Galicia, Asturias, Castela e León, Cantabria e o País Vasco
Na xuntanza falarán sobre as infraestruturas no cadrante norte-noroeste do estado español  
 
09-07-2009.- Os secretarios xerais de Comisións Obreiras (CCOO) de Galicia, Asturias, Castela e León, Cantabria e o País Vasco manterán mañá, venres día 10 de xullo, un encontro en Valladolid para falaren das infraestruturas no cadrante norte-noroeste do estado español.

Santiago de Compostela, 9/7/2009.-
A Plataforma Galega para a Defensa da Sanidade Pública informa o venres sobre a privatización do sistema sanitario
Critican a aposta do actual Executivo autonómico pola xestión privada  
 
09-07-2009.- A Plataforma Galega para a Defensa da Sanidade Pública, da que forma parte Comisións Obreiras, convoca para mañá, venres día 10 de xullo, ás 11:30 horas, unha conferencia de prensa na Galería Sargadelos de Santiago de Compostela (Rúa Nova n.º 16).

Santiago de Compostela, 9/7/2009.-
CCOO defende que o novo modelo de financiamento autonómico se basee no acordo adoptado polo Parlamento de Galicia en 2008
09-07-2009.- O Sindicato Nacional de Comisións Obreiras (CCOO) defende que o novo modelo de financiamento autonómico se basee no acordo adoptado polo Parlamento de Galicia en 2008. Desde a organización sindical esixen tamén que o Goberno central recolla na súa proposta as variables específicas do noso país, como orografía, envellecemento da poboación, emigración, orografía e dispersión xeográfica.

Santiago de Compostela, 8/7/2009.-
COMFIA—CCOO antepón o emprego, a solvencia e a viabilidade nos posibles procesos de concentración das caixas de aforro
O sindicato responde as declaracións efectuadas polo Partido Popular de Galicia  
 
08-07-2009.- A Federación de Servizos Financeiros e Administrativos de Comisións Obreiras (COMFIA—CCOO) antepón o emprego, a solvencia e a viabilidade nos posibles procesos de concentración das caixas de aforro galegas.

Santiago de Compostela, 7/7/2009.-
A sección sindical de CCOO na Xunta considera que o delegado territorial da Coruña «non é unha persoa de fiar»
O sindicato critica que seguise adiante un expediente disciplinario que Diego Calvo se comprometera a retirar  
 
07-07-2009.- A sección sindical de Comisións Obreiras (CCOO) na Xunta considera que o delegado territorial da Coruña, Diego Calvo, «non é unha persoa de fiar». Segundo o sindicato, a medidados de maio solicitouse a retirada do expediente disciplinario aberto contra unha subalterna dun centro de ensino por consideralo «inxustificado e carente de garantías». Ante isto, explican desde CCOO, o delegado territorial comprometeuse a revisar o caso e finalmente retirar o dito expediente.

Santiago de Compostela, 3/7/2009.-
Sánchez Aguión insta as forzas políticas galegas a un acordo para acadar un novo modelo de financiamento autonómico
O secretario xeral do Sindicato Nacional de CCOO defendeu tamén a lingua galega e esixiu que non se utilice “o noso principal sinal de identidade” como instrumento de confrontación  
 
03-07-2009.- O secretario xeral do Sindicato Nacional de Comisións Obreiras (CCOO), Xosé Manuel Sánchez Aguión, instou as forzas políticas galegas a un acordo para acadar un novo modelo de financiamento autonómico. O pedido realizouno este mediodía durante o primeiro Consello Nacional que convoca a organización sindical desde o seu 9.º Congreso, que tivo lugar en marzo.

Santiago de Compostela, 2/7/2009.-
CCOO acolle con cautela os datos positivos do descenso do desemprego en xuño
O paro baixou o mes pasado por terceira vez consecutiva, ao tempo que aumentaron a afiliación á Seguridade Social e os contratos rexistrados  
 
02-07-2009.- Comisións Obreiras (CCOO) acolle con cautela os datos positivos do descenso do desemprego en xuño, que baixou por terceiro mes consecutivo, ao tempo que aumentaron a afiliación á Seguridade Social e os contratos rexistrados. Desde a Secretaría de Emprego, Economía Social e Autoemprego do sindicato lembran que o inicio da campaña turística do verán e o impacto do Plan E de reactivación da economía e do emprego explican a positiva evolución do paro no último mes. «Debemos, non obstante, esperar a que transcorra máis tempo para comprobar se, efectivamente, se consolida un cambio de tendencia no emprego», advertiu Maica Bouza, responsable da Secretaría.

Santiago de Compostela, 1/7/2009.-
Xosé Manuel Sánchez Aguión e Ana María Díaz inauguran as xornadas «A formación: un modelo cooperativo»
O secretario xeral do Sindicato Nacional de CCOO falará sobre o cambio do modelo produtivo en Galicia, mentres que a directora xeral de Formación e Colocación disertará sobre as perspectivas da formación  
 
01-07-2009.- Xosé Manuel Sánchez Aguión, secretario xeral do Sindicato Nacional de Comisións Obreiras (CC OO), e Ana María Díaz, Directora Xeral de Formación e Colocación, inauguran as xornadas «A formación: un modelo cooperativo», organizadas pola organización sindical en colaboración coa Consellaría de Traballo.

Santiago de Compostela, 30/6/2009.-
CCOO esíxelle á Xunta unha implicación máis activa para procurar solucións ao conflito do metal
Unhas 2.500 persoas participaron este mediodía nunha concentración diante da sede do Executivo autonómico  
 
30-06-2009.- Comisións Obreiras (CCOO) esíxelle á Xunta de Galicia unha implicación máis activa para procurar solucións ao conflito do metal da provincia de Pontevedra. Así o afirmou Ramón Sarmiento, voceiro do sector en CCOO, durante unha concentración que congregou preto de 2.500 persoas diante da sede do Executivo autonómico en Santiago de Compostela.  
 

Santiago de Compostela, 29/6/2009.-
CCOO critica a alta taxa de sinistralidade do sector da construción en Galicia
O sindicato propón un Pacto pola Economía, o Emprego e a Cohesión Social  
 
26-06-2009.- Os secretarios xerias do Sindicato Nacional de CCOO e de FECOMA—CCOO, Xosé Manuel Sánchez Aguión e Xesús Varela Lodeiro, deron hoxe unha conferencia de prensa conxunta logo do Consello Nacional de FECOMA para avaliar a sinistralidade no sector da construción e para presentar o Pacto pola Economía, o Emprego e a Cohesión social que defende a organización sindical.

Santiago de Compostela, 29/6/2009.-
Esta tarde, mesa redonda na Coruña sobre a área metropolitana
No Centro Fonseca ás 19:30 horas  
 
29-06-2009.- A Fundación 10 de Marzo e a Unión Comarcal de CCOO da Coruña organizan desde a semana pasada un ciclo de conferencias sobre a área metropolitana. Dentro do mesmo, esta tarde, ás 19:30 horas, haberá unha mesa redonda baixo o título: «É necesaria a creación da Área Metropolitana da Coruña?».

Santiago de Compostela, 29/6/2009.-
Preto dun cento de persoas representan a CCOO na marcha cara a Compostela das traballadoras e traballadores do metal
Prevese que cheguen mañá á capital galega para protestar diante da sede da Xunta  
 
29-06-2009.- Preto dun cento de persoas representan a Comisións Obreiras (CCOO) na marcha que protagonizan traballadoras e traballadores do sector do metal da provincia de Pontevedra. Prevese que cheguen mañá a Santiago de Compostela, onde protestarán diante da sede da Xunta. A iniciativa conta co apoio das tres centrais sindicais maioritarias.

Vigo, 29/6/2009.-
A Asociación para a Defensa da Sanidade Pública de Vigo defendeu no pleno municipal o carácter público do novo hospital
Pola contra, o Partido Popular manifestouse favorable á construción e á xestión con capital privado  
 
29-06-2009.- Manuel Martín García, portavoz da Asociación para a Defensa da Sanidade Pública de Vigo, da que CCOO forma parte, expresou a súa preocupación polos pasos que a Xunta de Galicia, presidida por Núñez Feijóo, está a dar para a construción do futuro hospital vigués con capital privado, e privada sería tamén a súa xestión.

Madrid, 29/6/2009.-
CCOO condena enerxicamente o golpe de Estado militar en Honduras
29-06-2009.- A Secretaría confederal de Internacional de CCOO condena enerxicamente o golpe de Estado militar que secuestrou e exiliou forzosamente o presidente da República, Manuel Zelaya Rosales.

Santiago de Compostela, 26/6/2009.-
CCOO considera «un paso atrás nas políticas sociais» a fin da gratuidade dos libros de texto
A Federación do Ensino do sindicato critica que se pretenda aforrar nese concepto ao tempo que se prevé a posibilidade de manter o concerto cos centros que segregan por sexos  
 
26-06-2009.- A Federación do Ensino de Comisións Obreiras (CCOO-Ensino) considera «un paso atrás nas políticas sociais» o anuncio feito pola Consellaría de Educación polo que se pon fin á gratuidade universal dos libros de texto.

Santiago de Compostela, 26/6/2009.-
CCOO esixe que o novo Hospital de Vigo non sexa privado
A Asociación para a Defensa da Sanidade Pública de Vigo, da que o sindicato forma parte, reclama que o novo hospital sexa público  
 
26-06-2009.- Esta mañá, Comisións Obreiras (CCOO) e as demais organizacións que integran a Asociación para a Defensa da Sanidade Pública de Vigo concentráronse diante da Delegación do SERGAS na cidade olívica para reclamar que o novo Hospital que se vai construír sexa de titularidade e de xestión públicas e non privadas, como pretende o executivo galego do Partido Popular.  

Santiago de Compostela, 25/6/2009.-
CCOO logrou por vez primeira entrar no comité de DÍA, e foi o único sindicato de clase en lograr representación no almacén
Comisións Obreiras convértese na segunda forza sindical na empresa  
 
24-06-2009.- Onte tiveron lugar as votacións nas tendas e no almacén de DIA (Distribuidora internacional de alimentos) da provincia da Coruña. Para a Federación de Comercio, Hostalaría e Turismo de Comisións Obreiras (FECOHT—CCOO), o resultado foi «alentador», xa que o sindicato logrou representación, rompendo con 16 anos dun comité exclusivamente formado por FETICO.

Santiago de Compostela, 25/6/2009.-
COMFIA-CCOO convoca para hoxe concentracións en Indra coincidindo coa Xunta Xeral de Accionistas
A empresa ten centros na Coruña, Narón e Vigo  
 
25-06-2009.- COMFIA-CCOO convoca para hoxe concentracións en Indra coincidindo coa Xunta Xeral de Accionistas, na que entregará 3.000 sinaturas polo mantemento do emprego e do poder adquisitivo. Haberá concentracións simultáneas en Madrid, Barcelona, Valencia, Málaga e Sevilla. En Galicia, o Grupo Indra ten centros na Coruña, Narón e Vigo.

Santiago de Compostela, 23/6/2009.-
CCOO acolle con «moderada satisfacción» a intención da Xunta de nomear representantes nas comisións de control das caixas
A Federación de Servizos Financeiros e Administrativos (COMFIA) considera que esta decisión permitirá mellorar o labor de supervisión e fiscalización  
 
23-06-2009.- A Federación de Servizos Financeiros e Administrativos de Comisións Obreiras de Galicia (COMFIA-CCOO) acolle «con moderada satisfacción» que a Consellaría de Facenda anuncie a intención de nomear unha persoa en representación da Xunta nas diferentes comisións de control das caixas de aforros galegas.

Santiago de Compostela, 22/6/2009.-
O Sindicato Nacional de Comisións Obreiras reafirma o seu compromiso coa lingua galega
Mañá, día 23 de xuño, debátese no Parlamento a modificación do artigo 35 da Lei da Función Pública de Galicia  
 
22-06-2009.- Con motivo do debate que terá lugar mañá no Parlamento sobre a modificación do artigo 35 da Lei da Función Pública de Galicia, o Sindicato Nacional de Comisións Obreiras (CCOO) reafirma o seu compromiso coa lingua galega.

Santiago de Compostela, 22/6/2009.-
O Sindicato Nacional de Comisións Obreiras condena o atentado contra Foncalor
Sánchez Aguión denuncia estes incidentes e insta a que non entorpezan a negociación  
 
22-06-2009.- O Sindicato Nacional de Comisións Obreiras de Galicia (CCOO) condena o atentado que tivo lugar esta madrugada contra a sede viguesa de Foncalor, unha das patronais da fontanaría. O secretario xeral da organización sindical, Xosé Manuel Sánchez Aguión, desvinculou o estoupido do conflito do metal, e atribuíu a acción a «persoas alleas que pretenden boicotear as negociacións».

Santiago de Compostela, 22/6/2009.-
Un cento de delegados e delegadas de CCOO protestaron hoxe contra o despedimento dun compañeiro en Maderas del Noroeste
O afectado era tamén delegado do sindicato no comité de empresa  
 
22-06-2009.- Un cento de delegadas e delegados da Federación da Construción e da Madeira (FECOMA) e da Unión Comarcal de Ferrol de Comisións Obreiras (CCOO) protestaron hoxe contra o despedimento dun compañeiro da empresa Maderas del Noroeste. Fixérono diante do Servizo de Mediación, Arbitraxe e Conciliación (SMAC). Posteriormente colocaron unha pancarta no centro de traballo.

Santiago de Compostela, 21/6/2009.-
A F10M presenta mañá o libro 'Mujeres y sindicalismo'
Ás 11:30 horas no Club Internacional de Prensa, en Santiago de Compostela  
 
22-06-2009.- A Fundación 10 de Marzo (F10M) presenta mañá, martes día 23 de xuño, ás 11:30 horas, o libro Mujeres y sindicalismo, de Pilar Seoane Vázquez, que trata da ruptura dos tópicos asociados coa muller e o mercado de traballo, así como da relación destas co mundo sindical.

Santiago de Compostela, 19/6/2009.-
CCOO e a F10M promoven na Coruña unhas xornadas sobre a área metropolitana
A primeira conferencia será o vindeiro luns, día 22 de xuño  
 
19-06-2009.- A Unión Comarcal de Comisións Obreiras da Coruña (CCOO) e a Fundación 10 de Marzo (F10M) promoven na cidade herculina un ciclo de conferencias sobre a área metropolitana. A primeira delas será o vindeiro luns, día 22 de xuño, na que intervirá o doutor José Manuel Souto.

Santiago de Compostela, 19/6/2009.-
CCOO considera «un paso atrás nas políticas sociais» a posible fin da gratuidade dos libros de texto
A Federación do Ensino do sindicato critica que se pretenda aforrar nese concepto ao tempo que se prevé a posibilidade de manter o concerto cos centros que segregan por sexos  
 
19-06-2009.- A Federación do Ensino de Comisións Obreiras (CCOO—Ensino) considera «un paso atrás nas políticas sociais» as ameazas do presidente da Xunta de Galicia, Alberto Núñez Feijóo, segundo as cales podería non continuar a gratuidade dos libros de texto na educación obrigatoria.

A Coruña, 17/6/2009.-
CCOO e CIG solicitan a intervención da Inspección de Traballo no conflito laboral en Bunge
17-06-2009.- Hoxe, mércores día 17 de xuño, está prevista unha reunión das delegadas e delegados de persoal de Bunge e dos representantes das organizacións sindicais CCOO e CIG, para tratar o peche patronal desta empresa, na que se solicitará a intervención da Inspección de Traballo e se inste á empresa, para que proceda a súa reapertura. Mentres tanto, os traballadores e traballadoras vanse concentrar diante da Inspección de Traballo.

Santiago de Compostela, 17/6/2009.-
O Sindicato Nacional de CCOO apoia a candidatura da Torre de Hércules a Patrimonio da Humanidade
17-06-2009.- O Sindicato Nacional de Comisións Obreiras de Galicia (CCOO) desexa facer público o seu apoio á candidatura da Torre de Hércules a Patrimonio da Humanidade. Para o sindicato, o monumento é un dos símbolos máis recoñecibles non só da cidade da Coruña, senón do noso país.

Santiago de Compostela, 17/6/2009.-
O Sindicato Nacional de Comisións Obreiras condena os atentados en Vigo e Nigrán
A organización sindical desvincúlase dos incidentes e sinala que acontecementos coma este prexudican as traballadoras e traballadores en loita  
 
17-06-2009.- O Sindicato Nacional de Comisións Obreiras de Galicia (CCOO) condena os atentados desta madrugada en Vigo e Nigrán. A organización sindical critica tanto a quen dalgún xeito os xustifica como a quen pretenden vinculalos co conflito do metal para prexudicar as negociacións.

Santiago de Compostela, 16/6/2009.-
Esta semana haberá unha nova reunión entre os sindicatos e Caramelo
Hoxe chegaron máis cartas de despedimento polos incidentes do pasado xoves  
 
16-06-2009.- Esta semana, previsiblemente mércores ou xoves, haberá unha nova reunión entre os sindicatos con representación en Caramelo e os responsables da téxtil coruñesa. Mentres, continúa a tensión na factoría nun día no que chegaron máis cartas de despedimento para traballadoras e traballadores supostamente implicados nos incidentes do pasado xoves.

Santiago de Compostela, 16/6/2009.-
Comisións Obreiras presentou hoxe a súa proposta de pacto pola economía, o emprego e a cohesión social
O secretario xeral do Sindicato Nacional de CCOO instou a Xunta a presentar «de inmediato» o seu plan de choque contra a crise económica  
 
16-06-2009.- Comisións Obreiras (CCOO) presentou esta mañá en conferencia de prensa a súa proposta para a reactivación da economía, o emprego e a cohesión social, que trasladará á Xunta e aos outros sindicatos maioritarios, UGT-Galicia e CIG, co obxectivo de lograr un pacto con alto grao de consenso. De feito, as liñas mestras xa foron acordadas no ámbito estatal con UGT.

Santiago de Compostela, 15/6/2009.-
Mañá, mobilización en defensa do Servizo Público de Defensa contra Incendios Forestais
Ás 11 horas diante da sede da Xunta de Galicia en Santiago de Compostela  
 
16-06-2009.- O persoal do Servizo Público de Defensa contra Incendios Forestais (SPDCIF) manifestaranse mañá, día 17 de xuño, ás 11 horas, diante da sede principal da Xunta de Galicia (San Caetano, Santiago de Compostela). Rexeitan que as contratacións temporais se fagan a través da empresa SEAGA e reclaman que se realicen mediante as listas públicas —Decreto 5/2007—. Ademais, protestarán contra o desmantelamento do reforzo público da temporada de alto risco 2009.

Santiago de Compostela, 11/6/2009.-
O persoal de Correos mobilizarase este domingo en Santiago de Compostela
CCOO, CIG, UGT, SL e CGT convocan unha conferencia de prensa para o venres, día 12, ás 11 horas  
 
11-06-2009.- O persoal de Correos vaise mobilizar este domingo, día 14 de xuño, nunha marcha que sairá ás 12 horas da Alameda de Santiago de Compostela. Para explicar os motivos que levan a este acto reivindicativo, os sindicatos convocadores —CCOO, CIG, UGT, SL e CGT— darán unha conferencia de prensa o venres, día 12, ás 11 horas, na sede de Comisións Obreiras.

Santiago de Compostela, 11/6/2009.-
A LINGUA GALEGA: DEREITO DOS CIDADÁNS, OBRIGA DO GOBERNO
11-06-2009  
 
As Organizacións Sindicais abaixo asinantes, coa representación maioritaria nas administracións públicas de Galicia.  
 
Consideramos que a proposta de modificación da Lei da Función Pública, levada pola Consellaría de Presidencia á Mesa da Función Pública e tratada no Consello da Xunta de 28 de maio de 2009, en que se acordou unilateralmente a devandita modificación e a súa aplicación aos procesos en curso, é un grave retroceso no proceso de normalización lingüística do noso idioma e un impedimento para a aplicación da Lei de Normalización Lingüística.

Santiago de Compostela, 11/6/2009.-
ESCRITO CONXUNTO EN DEFENSA DO GALEGO NO ENSINO
11-06-2009.- No ficheiro PDF anexo dispoñibilizamos para consulta o escrito unitario de Comisións Obreiras e o resto de sindicatos con representación no ensino e outras organizacións en defensa do galego no sistema educativo.

Santiago de Compostela, 11/6/2009.-
CCOO avalía positivamente o plan da Xunta para a contratación de persoas desempregadas que non percibían prestacións
Con todo, o sindicato critica que a medida sexa pouco ambiciosa, que se tomase á marxe do diálogo social e que nela non primen os mínimos criterios de transparencia  
 
11-06-2009.- Comisións Obreiras (CCOO) avalía positivamente o plan da Xunta para impulsar a contratación de case 4.000 persoas desempregadas que non percibían ningún tipo de prestación social. Para o sindicato, permitirá mellorar a situación persoal de quen estaban nesa situación, polo que contribuirá a aumentar o consumo e incidirá na reactivación económica.

Santiago de Compostela, 10/6/2009.-
O persoal de El Corte Inglés de Vigo concéntrase para esixir a readmisión dunha compañeira
Foi despedida logo de dúas baixas laborais curtas en dous meses, tras trinta e catro anos de traballo na empresa  
 
10-06-2009.- O persoal de El Corte Inglés de Vigo concéntrase hoxe e o vindeiro venres, de 21 a 22:30 horas, para esixir a readmisión dunha compañeira. Despedírona logo de dúas baixas laborais curtas en dous meses, tras trinta e catro anos de traballo na empresa.

Santiago de Compostela, 10/6/2009.-
Este xoves ten lugar o 1.º Congreso do Sindicato Comarcal da Federación de Servizos á Cidadanía de CCOO de Santiago—Barbanza
Pilar Ferreiro Pérez é a única candidata á Secretaría Xeral  
 
10-06-2009.- Este xoves, día 11 de xuño, celebrarase o 1.º Congreso do Sindicato Comarcal da Federación de Servizos á Cidadanía de CCOO de Santiago-Barbanza. O congreso terá lugar na sala de prensa do Sindicato Nacional de CCOO (r/ Miguel Ferro Caaveiro, n.º 8). Pilar Ferreiro Pérez é a única candidata á Secretaría Xeral.

Santiago de Compostela, 9/6/2009.-
CCOO denuncia a actitude da empresa encargada da limpeza do arsenal militar de Ferrol
A Federación de Actividades Diversas tamén critica que a CIG, ausente durante case todo o proceso, aparecese «á última hora» para saír nos medios de comunicación  
 
09-06-2009.- Comisións Obreiras (CCOO) denuncia a actitude da empresa Los Lebreros, encargada da limpeza do arsenal militar de Ferrol, ante a falta de pagamento dos salarios ás traballadoras e traballadores.

Santiago de Compostela, 8/6/2009.-
Comisións Obreiras pídelles ao Goberno da Xunta e aos grupos parlamentarios un consenso sobre a lingua
O sindicato quere que a modificación do artigo 35 da Lei da Función Pública de Galicia recolla, ante todo, os dereitos da cidadanía a ser atendida en galego  
 
08-06-2009.- O Sindicato Nacional de Comisións Obreiras de Galicia (CCOO) pídelle á Xunta e aos grupos parlamentarios un consenso sobre a lingua «que remate coa actual espiral de despropósitos». Mañá entra a debate parlamentario a proposta de modificación do artigo 35 da Lei da Función Pública, referido ao galego nas probas de acceso.

Santiago de Compostela, 8/6/2009.-
CCOO considera «unha tomadura de pelo» a enquisa aos pais e nais anunciada pola Consellaría de Educación
O sindicato denuncia as contradicións entre o exposto por Feijóo e o que asegurou Vázquez  
 
08-06-2009.- A Federación do Ensino Comisións Obreiras de Galicia (CCOO-Ensino) considera «unha tomadura de pelo» a enquisa aos pais e nais que anunciou a Consellaría de Educación para escolleren a lingua en que queren educar as súas fillas e fillos.

Santiago de Compostela, 5/6/2009.-
CCOO saúda positivamente a aprobación do currículo escolar para a etapa infantil de 3—6 anos
O sindicato insta a Xunta a facer o propio co tramo de idade 0—3, cumprindo así a promesa electoral de transferir as competencias sobre a mesma á Consellaría de Educación  
 
05-06-2009.- A Federación do Ensino de Comisións Obreiras (CCOO—Ensino) saúda positivamente a aprobación do currículo escolar para a etapa infantil de 3—6 anos no último Consello da Xunta. A organización sindical lembra que levaba máis dun ano reclamando esta medida, que cualifica de «imprescindible».

Santiago de Compostela, 5/6/2009.-
Centos de persoas secundan unha mobilización na Coruña contra o ERE de Caramelo
O expediente implicaría a perda de 237 postos de traballo  
 
05-06-2009.- As traballadoras e traballadores de Caramelo continúan as mobilizacións en contra do ERE presentado pola dirección da téxtil e que implicaría o despedimento de 237 persoas nas instalacións que ten na Coruña. Centos de persoas secundaron a manifestación que partiu esta tarde da Praza da Palloza e finalizou diante da Delegación do Goberno.

Santiago de Compostela, 4/6/2009.-
O Sindicato Nacional de CCOO denuncia a actuación «desproporcionada» da policía na folga do metal
Xosé Manuel Sánchez Aguíón instou a patronal a que restableza o diálogo «de maneira inmediata»  
 
04-06-2009.- O secretario xeral do Sindicato Nacional de Comisións Obreiras de Galicia, Xosé Manuel Sánchez Aguión, denunciou onte a «carga desproporcionada» dos efectivos policiais na folga do metal. Para o dirixente sindical, a policía «non estivo correcta». Os antidisturbios irromperon na viguesa Praza de América e cargaron indiscriminadamente contra traballadoras e traballadores ata o estaleiro de Barreras, sempre no medio dunha chuvia de bólas de goma e botes de fume.

3/6/2009.-
Manifesto da Confederación Europea de Sindicatos ante as eleccións europeas: «Que se escoite a voz da Europa social!»
03-06-2009.- A Confederación Europea de Sindicatos (CES), da que forma parte CCOO, divulgou un manifesto con motivo das eleccións europeas. Polo seu interese, reproducímoslleslo a continuación, e tamén o poden descargar desde o ficheiro PDF anexo.

Madrid, 3/6/2009.-
CCOO e UGT chaman á participación dos traballadores e traballadoras nas eleccións europeas do 7 de xuño
03-06-2009.- Ofrecémoslles para consulta e para descarga en PDF a declaración sindical de CCOO e UGT con motivo das eleccións europeas. Ambos os sindicatos chaman á participación nos comicios do vindeiro 7 de xuño.

3/6/2009.-
O Sector de Comunicación da FSC-CCOO denuncia a censura na Televisión de Galicia da reportaxe sobre as vacas tolas
04-06-2009.- O Sector de Comunicación da FSC-CCOO e a Sección Sindical de CCOO na CRTVG consideran intolerable a decisión da nova directora de TVG, Rosa Vilas, de suprimir a emisión do espazo documental Caixa Negra dedicado á grave situación vivida no país a raíz do caso das «vacas tolas».

Santiago de Compostela, 2/6/2009.-
CCOO continúa a reclamar un pacto pola economía, a industria e a protección social para que Galicia saia reforzada da crise
En maio baixou o desemprego por segundo mes consecutivo; tamén se incrementaron as persoas afiliadas á seguridade social, pero diminuíron os contratos rexistrados  
 
02-06-2009.- O Sindicato Nacional de Comisións Obreiras de Galicia (CCOO) continúa a reclamar un pacto pola economía, a industria e a protección social para que o noso país saia reforzado da crise. A organización sindical reclama do Goberno da Xunta a revitalización do diálogo social como mellor instrumento para sacar a Galicia da situación en que se atopa.

Santiago de Compostela, 30/5/2009.-
CCOO oponse á conxelación salarial que anuncia a Consellariá de Facenda para os empregados públicos da Xunta
Para o sindicato, o Partido Popular recorre a «vellas receitas caducas» para afrontar a crise  
 
30-05-2009.- O sector da Administración Autonómica de CCOO de Galicia anunciou hoxe o seu rexeitamento ás as manifestacións realizadas pola conselleira de Facenda no senso de propór a conxelación salarial para os empregados públicos da Xunta para o 2010.

Santiago de Compostela, 29/5/2009.-
CCOO informa de que Educación «rectifica» e non aplicará a circular sobre o agrupamento do alumnado
A Federación do Ensino considera que a decisión chegou ante a presión das organizacións sindicais  
 
29-05-2009.- A Federación do Ensino de Comisións Obreiras (CCOO—Ensino) informa de que a Consellaría de Educación finalmente tratou na mesa sectorial de hoxe a circular sobre o agrupamento do alumnado de diferentes etapas educativas na mesma aula, tal como lle pediran as organizacións sindicais ao departamento educativo.

Santiago de Compostela, 28/5/2009.-
CCOO, CIG, UGT, ANPE e STEG volveran retirarse da mesa sectorial do Ensino se a Xunta non retira a circular sobre os agrupamentos
Opóñense a que a Consellaría de Educación permita que alumnado de diferentes etapas educativas estea na mesma aula  
 
28-05-2009.- Comisións Obreiras (CCOO), CIG, UGT, ANPE e STEG entregaron hoxe cadanseu escrito ao presidente da Mesa Sectorial Docente non Universitaria da Consellaría de Educación e ao director xeral de Centros e Recursos Humanos do departamento autonómico.

Santiago de Compostela, 28/5/2009.-
Comisións Obreiras aposta por impulsar un pacto pola sanidade pública en Galicia
Explicouno hoxe a secretaria xeral da Federación de Sanidade nunha conferencia de prensa na que falou de cuestións que lle trasladou á Xunta na última sectorial  
 
28-05-2009.- Comisións Obreiras (CCOO) impulsar un pacto pola sanidade pública en Galicia «que supoña a implicación de todas as forzas políticas e sociais independentemente da súa cor», en palabras de Lola González Lorenzo, secretaria da Federación de Sanidade do sindicato, quen ofreceu hoxe unha conferencia de prensa.

Santiago de Compostela, 28/5/2009.-
CCOO denuncia a «falta de dilixencia» no diálogo social e a pasividade administrativa na práctica totalidade das Consellarías
O sindicato critica que non haxa vontade para acometer un pacto en defensa dos servizos públicos  
 
28-05-2009.- O sector da Administración Autonómica de Comisións Obreiras (CCOO) denunciou esta mañá en conferencia de prensa a pasividade administrativa que observa na práctica totalidade das Consellarías da Xunta de Galicia.

Santiago de Compostela, 27/5/2009.-
A Federación de Sanidade de CCOO valora a actitude do novo goberno da Xunta logo da primeira reunión da mesa sectorial
As listas de espera, os concertos coa sanidade privada, a atención primaria ou a atención integral da muller foron algunhas das cuestións tratadas  
 
27-05-2009.- A Federación de Sanidade e Sectores Sociosanitarios de Comisións Obreiras de Galicia convoca unha conferencia de prensa para mañá, xoves día 28 de maio, ás 11 horas, na que explicará a posición do sindicato ante o novo goberno da Xunta logo da primeira reunión da mesa sectorial.

Santiago de Compostela, 27/5/2009.-
CCOO denunciará en conferencia de prensa a falta de dilixencia no diálogo social no ámbito da Administración
O sindicato tamén falará da pasividade administrativa na práctica totalidade das Consellarías da Xunta  
 
27-05-2009.- Comisións Obreiras (CCOO) denunciará en conferencia de prensa a falta de dilixencia no diálogo social no ámbito da Administración autonómica, así como a pasividade administrativa na práctica totalidade das Consellarías da Xunta. Será mañá, xoves día 28 de maio, ás 11:30, na sala de prensa do sindicato.

Madrid, 27/5/2009.-
CCOO denuncia os partidos políticos que limitan a liberdade de información nas campañas electorais
27-05-2009.- O Sector de Medios de Comunicación de CCOO reivindica a necesidade de ofrecer unha información electoral con criterios periodísticos e profesionais.

Madrid, 27/5/2009.-
CCOO vai recoller sinaturas polo emprego de calidade nos medios
27-05-2009.- Despois da gran xornada de mobilización en defensa do emprego nos medios do pasado 7 de maio, mantéñense as mobilizacións e vanse recoller sinaturas en apoio á intervención do Goberno e a adopción de medidas, desde o consenso sectorial, que garantan o emprego de calidade nos medios e a información de calidade

Santiago de Compostela, 26/5/2009.-
CCOO denuncia que o PP xa se esqueceu dos compromisos electorais en relación co servizo contra incendios forestais
O sindicato esixe a destitución inmediata do xerente de SEAGA, a quen acusa de ser o máximo responsable da «mala xestión» do servizo público e dos incumprimentos en materia laboral  
 
26-05-2009.- Comisións Obreiras (CCOO) denuncia que o Partido Popular xa se esqueceu dos compromisos electorais en relación co Servizo Público de Defensa contra Incendios Forestais (SPDCIF). O sindicato esixe a destitución inmediata do xerente de SEAGA, a quen acusa de ser o máximo responsable da «mala xestión» do servizo público e dos incumprimentos en materia laboral.

Santiago de Compostela, 25/5/2009.-
CCOO esixiulle ao director xeral da Función Pública a retirada da proposta de modificación da norma sobre o galego nas oposicións
O sindicato rexeita a proposta de modificación do artigo 35 do texto refundido da Lei da Función Pública de Galicia que afecta a lingua galega  
 
25-05-2009.- Esta mañá tivo lugar unha entrevista na sede da Dirección Xeral da Función Pública entre o director xeral e os representantes sindicais. Por parte de Comisións Obreiras (CCOO) acudiron Machús Fernández, secretaria xeral da Federación do Ensino, Lola González, secretaria xeral da Federación de Sanidade, e Ramiro Otero, secretario xeral da Federación de Servizos á Cidadanía.

22/5/2009.-
CCOO denuncia perante os sindicatos presentes na mesa xeral da Función Pública a «actitude prepotente» da Administración
O sindicato rexeita a proposta de modificación do artigo 35 do texto refundido da Función Pública de Galicia e que afecta á lingua galega  
 
22-05-2009.- As federacións da Área Pública do Sindicato Nacional de Comisións Obreiras (CCOO) denunciaron perante os sindicatos presentes na mesa xeral da Función Pública a «actitude prepotente e desprezo» da Administración.

Lugo, 22/5/2009.-
As traballadoras e traballadores das ambulancias piden a itnervención da Xunta para o cumprimento do convenio
22-05-2009.- CCOO demandará a intervención do Consello Galego de Relacións Laborais para retomar a negociación do Convenio do Sector de Ambulancias, según decidiron en asamblea celebrada onte 21 de maio en Lugo.

Santiago de Compostela, 20/5/2009.-
CCOO rexeita a pretensión de Educación sobre os agrupamentos de alumnado de diferentes idades na mesma aula
Para o sindicato, a medida é «antipedagóxica», «contraditoria» co propio programa electoral do PP, e repercutiría nun empeoramento da calidade do ensino e na redución de postos de traballo  
 
20-05-2009.- A Federación do Ensino de Comisións Obreiras (CCOO) critica que coñeceu a través dos medios de comunicación que a Dirección Xeral de Centros e Recursos humanos da Xunta enviou unha circular aos centros con data de 14 de maio na que dá instrucións para agrupar alumnado de diferentes cursos ou ciclos na mesma clase do propio centro. Desde o sindicato lembran que esta cuestión non foi tratada na mesa sectorial, e lamentan que a Administración non tivese informado o sindicato sobre a mesma.

A Coruña, 20/5/2009.-
CCOO manifesta a súa satisfacción pola sinatura do convenio do comercio vario
20-05-2009.- Onte pola tarde, martes 19 de maio, asinouse o convenio do comercio vario nas instalación de CCOO no Edificio de Sindicatos, sito na Avenida Alfonso Molina da Coruña. O acordo chegou logo de moitas mobilizacións convocadas durante varios meses polas organizacións sindicais Comisións Obreiras, UGT e CIG.

Santiago de Compostela, 19/5/2009.-
CCOO critica que a entrevista co conselleiro de Educación non trouxo resposta á maioría das cuestións expostas
O sindicato lamenta que continúen sen saber cal será a resposta da Consellaría ante o Pacto de Estado pola Educación  
 
18-05-2009.- Hoxe tivo lugar a primeira entrevista entre a secretaria xeral da Federación do Ensino de CCOO de Galicia, Machús Fernández, co novo conselleiro de Educación, Jesús Vázquez Abad. O sindicato acudiu á reunión para manifestar a súa «preocupación» pola parálise negociadora e polas repercusións que a crise económica pode ter na política orzamentaria da Administración educativa.

Santiago de Compostela, 18/5/2009.-
A secretaria xeral da Federación do Ensino de CCOO entrevístase hoxe ás 11:30 co conselleiro de Educación
Abordaranse diferentes cuestións da mesa sectorial, pero sempre desde a perspectiva da actual situación de crise económica  
 
18-05-2009.- A secretaria xeral da Federación do Ensino de Comisións Obreiras (CCOO), Machús Fernández, entrevístase hoxe ás 11:30 co conselleiro de Educación, Jesús Vázquez. Na reunión trataranse diferentes temas sectoriais como a situación do ensino público, do privado, do universitario e das condicións do persoal non docente, sempre desde a actual perspectiva de crise económica.

Santiago de Compostela, 14/5/2009.-
17 DE MAIO - DECLARACIÓN DAS COMISIÓNS EXECUTIVAS DO SINDICATO NACIONAL DE CCOO DE GALICIA E A UNIÓN XERAL DE TRABALLADORES DE GALICIA
A lingua e a cultura son os valores máis representativos da identidade dun pobo. Para os traballadores e traballadoras galegas e para o conxunto da sociedade, son estes dous elementos, lingua e cultura, os piares esenciais do noso patrimonio cultural. Son os fundamentos máis senlleiros da idiosincrasia e singularidade de Galicia, que debemos respectar, manter e potenciar en todos os ámbitos da vida cotiá. Para o Sindicato Nacional de CCOO e a Unión Xeral de Traballadores de Galicia, a normalización completa e real da lingua é, polo tanto, unha demanda reiterada xunto co compromiso de fomentar e impulsar medidas que protexan, estimulen e favorezan o emprego do noso idioma en calquera eido da sociedade.

Santiago de Compostela, 14/5/2009.-
CCOO ofrece asesoramento e apoio aos traballadores e traballadoras do Grupo Leche Pascual
O sindicato ponse ao seu dispor para a defensa dos postos de traballo  
 
14-05-2009.- Ante as reestruturacións que se aplicando no Grupo Leche Pascual, a Federación Agroalimentaria de CCOO de Galicia manifesta o seu «total apoio» aos traballadores e traballadoras afectados e aos delegados de persoal.

Santiago de Compostela, 14/5/2009.-
Máis de 150 mil persoas manifestáronse hoxe en Madrid reclamando pleno emprego e dereitos sociais
A euromanifestación contou cunha ampla representación do Sindicato Nacional de CCOO  
 
14-05-2009.- Madrid converteuse hoxe na capital europea da loita sindical. Convocados pola Confederación Europea de Sindicatos (CES), máis de 150 mil persoas de España (CC OO, UGT e USO), Portugal, Francia, Andorra, Italia e Luxemburgo, percorreron as rúas madrileñas para protestaren contra a crise e esixir de Gobernos e institucións europeas un novo compromiso social no que o primeiro dos elementos sexa o emprego digno e con dereitos.  
 

Santiago de Compostela, 12/5/2009.-
CCOO e UGT chaman á participación na manifestación europea que terá lugar este xoves en Madrid
Os sindicatos mobilizaranse baixo o lema «Combater a crise. O primeiro, o emprego»  
 
12-05-2009.- A Unión Xeral de Traballadores de Galicia (UGT—Galicia) e o Sindicato Nacional de Comisións Obreiras de Galicia (CCOO) chaman as traballadoras e traballadores galegos a participaren na manifestación de ámbito europeo que convocou a Confederación Europea de Sindicatos (CES) para este xoves, día 14 de maio, en Madrid. Será ás as 12 horas na Praza de Colón.

Santiago de Compostela, 11/5/2009.-
CCOO insta a Consellaría do Mar a solucionar os problemas herdados da anterior Administración
11-05-2009.- Comisións Obreiras (CCOO) reitera a denuncia do conflito existente na Consellaría do Mar en relación co servizo de Salvamento Marítimo. Segundo o sindicato, desde 1991, logo dun convenio con Salvamento Marítimo, a daquela Consellaría de Pesca contratara a empresas privadas a xestión e aluguer de dúas embarcacións destinadas a ese servizo.

Santiago de Compostela, 7/5/2009.-
CCOO denuncia a «incompetencia» da Dirección Xeral de Xustiza na xestión do pagamento dos trienios ao persoal funcionario interino
O sindicato denuncia que no mes de xuño se cumprirán dous anos sen cobraren as cantidades que lles debe a Administración  
 
07-05-2009.- Desde o sector de Xustiza de Comisións Obreiras (CCOO) denuncian a «incompetencia» da Dirección Xeral na xestión do pagamento dos trienios aos funcionarios interinos, recoñecidos polo Estatuto Básico do Empregado Público. O sindicato espera que a Administración galega solucione o máis axiña posible a situación para que «todas as traballadoras e traballadores cobren as cantidades que se lles deben».

Santiago de Compostela, 7/5/2009.-
CCOO, UGT e CIG respaldan as mobilizacións do día 8 do sector gandeiro e chaman á participación
07-05-2009.- As comisións executivas do Sindicato Nacional de CCOO de Galicia, UGT-Galicia e CIG, respaldan e apoian as mobilizacións convocadas polos sindicatos agrarios UU.AA., XX.AA., SLG e a Asociación Galega de Cooperativas Agrarias (Agaca) para o vindeiro día 8 nas principais comarcas gandeiras galegas en defensa do futuro do sector lácteo, do emprego que esta actividade xera e a importante contribución do sector á vertebración social da comunidade, ao mantemento do rural e á prevención dos lumes.

Santiago de Compostela, 5/5/2009.-
CCOO reclama un pacto pola economía, a industria e a protección social para que Galicia saia reforzada da crise
05-05-2009.- O Sindicato Nacional de Comisións Obreiras (CCOO) reclama do Goberno da Xunta a revitalización do diálogo social «como mellor instrumento para sacar a Galicia da situación en que se atopa». O sindicato insta ao cumprimento das medidas recollidas no Acordo polo Emprego e no Plan de Competitividade e a propiciar un plan de choque contra a crise «que amplíe a protección por desemprego das persoas que esgotan as prestacións, que incorpore medidas destinadas a favorecer a liquidez das empresas para garantir a súa viabilidade e o mantemento do emprego».

1/5/2009.-
Preto de 25.000 persoas participaron nos actos do 1º de Maio baixo o lema «Fronte á crise: emprego, investimento público e protección social»
Xosé Manuel Sánchez Aguión advertiu a patronal de que CCOO non vai consentir que aproveiten a conxuntura para promover o abaratamento do despedimento  
 
01-05-2009.- Preto de 25.000 persoas participaron nos diferentes actos do Primeiro de Maio que organizaron o Sindicato Nacional de Comisións Obreiras (CCOO) e UGT—Galicia, sempre baixo o lema «Fronte á crise: emprego, investimento público e protección social». Ambas as dúas organizacións acordaron celebrar en Vigo a manifestación principal por seren esta cidade e a súa comarca das máis castigadas pola crise.

Santiago de Compostela, 29/4/2009.-
Comisións Obreiras considera «moi grave» que o PP faga un chamamento a incumprir a lei en materia lingüística
O sindicato rexeita que a Xunta dera instrucións aos centros educativos contrarias ao estipulado no decreto sobre o uso do galego no ensino  
 
29-04-2009.- Comisións Obreiras (CCOO) considera «moi grave» que o Partido Popular faga un chamamento a incumprir a lei en materia lingüística. A Federación do Ensino do sindicato rexeita que a Xunta dera instrucións aos centros educativos que son contrarias ao estipulado no decreto sobre o uso do galego.

Santiago de Compostela, 29/4/2009.-
CCOO manifesta o seu apoio ás traballadoras e traballadores afectados por conflitos laborais en toda Galicia
A Comisión Executiva Nacional do sindicato solidarízase coas súas reivindicacións e critica a actitude das patronais  
 
29-04-2009.- A Comisión Executiva Nacional de CCOO, reunida esta mañá en Santiago de Compostela, manifesta publicamente o seu apoio ás traballadoras e traballadores afectados por conflitos laborais en toda Galicia.

Santiago de Compostela, 29/4/2009.-
Un lazo de papel de periódico simbolizará este 7 de maio a defensa do emprego e a necesidade dunha prensa plural e de calidade
29-04-2009.- CCOO está a promover que o 7 de maio se celebre en toda España unha xornada de mobilización en defensa do emprego nos medios de comunicación e polo mantemento dunha prensa plural e con presenza en todos os recunchos do territorio nacional, que garanta o dereito da cidadanía a recibir unha información de calidade.

Santiago de Compostela, 28/4/2009.-
CCOO lembra que neste 28 de abril «temos motivos de sobra» para a mobilización pola seguridade e a saúde no traballo
A secretaria de Saúde Laboral do sindicato, Ascensión Esteban, explicou para a Radio Galega que en Galicia hai un gran problema coa infradeclaración de enfermidades profesionais  
 
28-04-2009.- Desde o Sindicato Nacional de Comisións Obreiras (CCOO) lémbrase que «temos motivos de sobra» para a mobilización neste 28 de abril, Xornada Mundial pola Seguridade e a Saúde no Traballo. Así o fixo saber a secretaria de Saúde laboral da organización sindical, Ascensión Esteban, nunha entrevista que tivo lugar esta mañá na Radio Galega.

Santiago de Compostela, 28/4/2009.-
CCOO explicará en conferencia de prensa os actos da xornada estatal polo emprego de calidade nos medios de comunicación
Será mañá, mércores día 29 de abril, ás 11:30 horas  
 
28-04-2009.- Comisións Obreiras (CCOO) explicará os actos da xornada estatal polo emprego e a información de calidade nos medios de comunicación que se vai desenvolver o vindeiro 7 de maio. A presentación da xornada será nunha conferencia de prensa convocada para mañá, mércores 29 de abril, ás 11:30 horas, na sede do sindicato.

Santiago de Compostela, 27/4/2009.-
O Sindicato Nacional de CCOO e UGT—Galicia presentaron as mobilizacións do 1.º de Maio
27-04-2009.- O secretario xeral do Sindicato Nacional de CCOO, Xosé Manuel Sánchez Aguión, e o de UGT—Galicia, José Antonio Gómez, presentaron esta mañá as mobilizacións e demandas para o 1.º de Maio. O responsable de CCOO aproveitou a intervención para dirixirse ao goberno da Xunta, ao que lle lembrou que «xa acabou a campaña», polo que espera que poña xa riba da mesa «propostas concretas» e non «vagas promesas».

Santiago de Compostela, 25/4/2009.-
Toxo, Sánchez Aguión e Pedrosa apoian as delegadas e delegados de CCOO no Concello de Pontevedra
25-04-2009.- As delegadas e delegados de persoal de Comisións Obreiras no Concello de Pontevedra —46% do total—, e especialmente os bombeiros —que manteñen un conflito co goberno local— atoparon onte nunha asemblea de delegados un novo apoio na súa loita contra o acoso laboral e a precariedade laboral nas persoas dos secretarios xerais Ignacio Fernández Toxo (Confederación Sindical de CCOO), Xosé Manuel Sánchez Aguión (Sindicato Nacional de CCOO) e Xosé Luís García Pedrosa (Unión Comarcal de Pontevedra).

Santiago de Compostela, 24/4/2009.-
CCOO insta a Xunta a retomar o diálogo social aberto co anterior executivo para abordar a problemática do desemprego
24-04-2009.- Comisións Obreiras (CCOO) insta a Xunta de Galicia a retomar o diálogo social aberto co anterior executivo para abordar a problemática do desemprego. Logo de se coñeceren os últimos datos da enquisa de poboación activa (EPA), que revelan un incremento do paro do 50% no último ano, a organización sindical considera que urxe un paquete de medidas que incidan no desenvolvemento do Acordo polo Emprego e do Acordo pola Competitividade «para avanzar no tan necesario cambio de modelo produtivo que sente as bases dun sistema económico sólido e perdurable».

Santiago de Compostela, 24/4/2009.-
CCOO advirte que ata 40 mil traballadoras e traballadores poden desenvolver cancro nos próximos vinte anos polo amianto
24-04-2009.- Máis de 40.000 traballadores e traballadoras poderían desenvolver algún tipo de cancro nos próximos 20 anos como consecuencia da manipulación do amianto. Así o fixo saber esa mañá Ascensión Esteban, secretaria de Saúde Laboral e de Medio Ambiente de Comisións Obreiras (CCOO) durante a presentación do informe A sinistralidade laboral en Galicia. Ano 2008. «En Galicia temos unha lacra co amianto», insistiu a sindicalista, quen reclamou das Administracións un tratamento diferenciado para este «grave problema social» respecto de outras enfermidades profesionais.

Santiago de Compostela, 22/4/2009.-
O 7 de maio, os medios de comunicación vanse mobilizar en defensa do emprego de calidade e da calidade da información
22-04-09.- Desde o Sector de Medios de Comunicación de FSC-CCOO e a través das seccións sindicais e delegados de CC OO convocamos os profesionais dos medios de comunicación para que o 7 de maio se mobilicen en denuncia da situación de crise e en defensa do emprego de calidade, a mellor garantía para que os medios tamén ofrezan a mellor información á cidadanía.

Santiago de Compostela, 22/4/2009.-
CCOO presenta o informe sobre a sinistralidade laboral en Galicia no ano 2008 e os actos da Xornada Mundial
Comisións Obreiras conmemorará con numerosos actos o 28 de abril, Xornada Mundial pola Saúde e a Seguridade no Traballo  
 
22-04-2009.- A Secretaría de Saúde Laboral de Comisións Obreiras (CC OO) presenta este venres, día 24 de abril, ás 11:30 horas, o seu informe sobre a sinistralidade laboral en Galicia no ano 2008. Ademais, na comparecencia ante os medios de comunicación tamén informará dos actos organizados polo sindicato para conmemorar o 28 de abril, a Xornada Mundial pola Saúde e a Seguridade no Traballo.

Santiago de Compostela, 21/4/2009.-
CCOO valora positivamente a decisión de Educación de non renovar o concerto cos centros que segregan por sexos
21-04-2009.- Comisións Obreiras (CCOO) avala e congratúlase da decisión adoptada polos anteriores responsables da Consellería de Educación de non renovaren o concerto aos centros educativos que escolaricen unicamente rapaces ou só rapazas. A Federación do Ensino do sindicato sinala que tivo coñecemento desta decisión hoxe mesmo, a través dunha comunicación enviada con data de 17 de abril pola Dirección Xeral de Ordenación Educativa en funcións.

A Coruña, 20/4/2009.-
CCOO, CIG e UGT esixen o cumprimento das cláusulas pactadas no preacordo do comercio vario que a patronal asinou no AGA
16-04-2009.- Varios delegados e delegadas de Comisións Obreiras (CCOO), CIG e UGT pecháronse hoxe na sede coruñesa da Confederación Galega de Empresarios (CEG) para esixiren o cumprimento das cláusulas pactadas no preacordo do comercio vario, asinado polos sindicatos e a patronal no AGA (Acordo Interprofesional Galego sobre Solución Extraxudicial de Conflitos Colectivos de Traballo). O peche acompañouse dunha concentración de preto de 150 sindicalistas diante das instalacións da CEG.

Santiago de Compostela, 15/4/2009.-
CCOO insiste na necesidade dun acordo para facerlle fronte á crise e que axude a reactivar a economía e crear emprego
15-04-2009.- Comisións Obreiras (CCOO) insiste na necesidade dun acordo para lle facer fronte á crise e que axude a reactivar a economía e crear emprego. Segundo a análise do sindicato, cómpre estimular o consumo para impulsar a reactivación económica e evitar o risco de deflación, para o que é prioritario manter a mellora do poder adquisitivo dos salarios —baseada na previsión de inflación do BCE— como forma de reactivar a capacidade de compra e de consumo das familias.

Santiago de Compostela, 15/4/2009.-
CCOO solicita a supresión do complemento dos altos cargos
O sindicato celebra que a dirección do BNG «rectificara» e solicítalle ao PSdeG que adopte a mesma posición e a Feijóo que o derrogue en canto asuma o goberno da Xunta  
 
15-04-2009.- Comisións Obreiras (CCOO) solicita a supresión do complemento dos altos cargos e celebra que a dirección do BNG «rectificara» ao instar os seus altos cargos a que non o soliciten. Neste sentido, o sindicato pediulle ao PSdeG que adopte a mesma posición e a Alberto Núñez Feijóo que derrogue o dito complemento en canto asuma o goberno da Xunta.

Santiago de Compostela, 15/4/2009.-
Máis de 500 empregados públicos acuden á mobilización convocada por CCOO, UGT e CSIF polo desenvolvemento do EBEP
15-04-2009.- Máis de 500 empregados públicos acudiron hoxe á mobilización que convocaron Comisións Obreiras (CCOO), UGT e CSIF para reclamar o desenvolvemento do Estatuto Básico do Empregado Público (EBEP). Concentráronse diante da Delegación do Goberno na Coruña e ante as subdelegacións de Lugo, Ourense e Pontevedra, e ao remate do acto leuse un manifesto conxunto dos tres sindicatos.

Santiago de Compostela, 14/4/2009.-
CCOO, UGT e CSIF convocan mobilizacións para mañá nas Administracións Públicas
As organizacións sindicais reclaman o desenvolvemento do Estatuto Básico do Empregado Público  
 
14-04-2009.- Comisións Obreiras (CCOO), UGT e CSIF convocaron mobilizacións conxuntas en todo o estado polos incumprimentos no desenvolvemento do Estatuto Básico do Empregado Público (EBEP), aprobado en 2007. En Galicia haberá concentracións mañá, día 15 de abril, ás 12 horas, diante da Delegación do Goberno na Coruña e das Subdelegacións de Lugo, Ourense e Pontevedra.

Santiago de Compostela, 14/4/2009.-
CCOO pídelle a Feijóo que a austeridade na Xunta sirva para destinar recursos ás políticas sociais
O secretario xeral do sindicato, Xosé Manuel Sánchez Aguión, valorou positivamente que Núñez Feijóo prometa manter o diálogo social e o Pacto pola Competitividade de Galicia  
 
14-04-2009.- Comisións Obreiras (CCOO) pídelle a Alberto Núñez Feijóo que a austeridade que prometeu implantar na Xunta de Galicia «sirva para destinar recursos ás políticas sociais, non concibimos unha austeridade á costa das prestacións e da cobertura social», afirmou o secretario xeral do sindicato, Xosé Manuel Sánchez Aguión.

Santiago de Compostela, 8/4/2009.-
28 de abril de 2009: TEMOS MOTIVOS - Xornada Mundial pola Saúde e a Seguridade no Traballo
08-04-2009.- No vindeiro 28 de abril, Día Internacional da Saúde e a Seguridade no Traballo, por iniciativa da Confederación Internacional Sindical, conmemoramos a décimo cuarta xornada internacional en lembranza das vítimas do traballo. No PDF anexo a esta nota poden descargar e imprimir o díptico informativo que editamos con este motivo.

Santiago de Compostela, 7/4/2009.-
A nova Comisión Executiva Nacional de Comisións Obreiras decidiu hoxe a distribución de secretarías
07-04-2009.- Os pasados días 12, 13 e 14 de marzo tivo lugar o 9.º Congreso do Sindicato Nacional de Comisións Obreiras de Galicia, no que saíu elixido secretario xeral Xosé Manuel Sánchez Aguión, e aprobouse tamén unha nova Comisión Executiva Nacional. Hoxe foi a primeira reunión da nova dirección do sindicato, unha xuntanza na que se analizou a actualidade socioeconómica e decidiuse a distribución de responsabilidades e reparto de secretarías para os vindeiros catro anos.

Santiago de Compostela, 7/4/2009.-
OPINIÓN: Congreso en igualdade do Sindicato Nacional de Comisións Obreiras de Galicia
Por Mabel Pérez Simal  
 
07-04-2009.- Cada catro anos organízanse congresos. Neles fanse balances de situación, analízase o traballo realizado e apróbanse plans de acción para os catro anos seguintes. Pero o debate sobre as propostas sindicais é máis importante se cabe nun momento como o actual, no que as traballadoras e os traballadores nos atopamos diante dunha crise económica e financeira que repercute diariamente nos nosos empregos e condicións de traballo.

Santiago de Compostela, 3/4/2009.-
CCOO participará na Euromanifestación do 14 de maio en Madrid
Convoca a Confederación Europea de Sindicatos (CES)  
 
03-04-2009.- A Confederación Europea de Sindicatos (CES), da que forma parte Comisións Obreiras, convocou unha euromanifestación para o vindeiro 14 de maio en Madrid, encadrada na mesma secuencia de mobilizacións que se repetirán no mesmo día en Bruxelas e o día 16 en Berlín e Praga. A manifestación comezaría ás 13 horas e a marcha continuaría polo menos dúas horas máis.

Santiago de Compostela, 2/4/2009.-
CCOO reclama o aumento da protección por desemprego, o cambio do modelo produtivo e o impulso da formación de calidade
En Galicia, o desemprego subiu en marzo por oitavo mes consecutivo e xa hai 51.304 persoas máis sen emprego ca hai un ano  
 
02-04-2009.- Comisións Obreiras reclama o aumento da protección por desemprego, o cambio do modelo produtivo e o impulso á formación de calidade. Así o fai saber o sindicato logo de se divulgaren os últimos datos do paro, que revelan que en marzo, por oitavo mes consecutivo, aumentou o desemprego no noso país.

Santiago de Compostela, 2/4/2009.-
Ramiro Otero, elixido primeiro secretario xeral da Federación de Servizos á Cidadanía de CCOO de Galicia
O Congreso da FSC culmina o proceso de fusión da FSAP e a FCT  
 
02-04-2009.- Ramiro Otero Rodríguez, ata o de agora secretario xeral da Federación de Comunicación e Transporte, foi elixido primeiro secretario xeral da nova Federación de Servizos á Cidadanía de Comisións Obreiras de Galicia (FSC-CCOO). A organización agora constituída é o resultado da fusión da Federación de Servizos e Administracións Públicas (FSAP) coa FCT.

Santiago de Compostela, 1/4/2009.-
Esta tarde comezou o Congreso Constituínte da Federación de Servizos á Cidadanía de Comisións Obreiras de Galicia
Desenvólvese so o lema «Forza, servizos, compromiso»  
 
01-04-2009.- Ás 16:30 horas de hoxe comezou en Santiago de Compostela o Congreso Constituínte da Federación de Servizos á Cidadanía de Comisións Obreiras de Galicia (FSC-CCOO), que se desenvolverá so o lema «Forza, servizos, compromiso».

Santiago de Compostela, 30/3/2009.-
Os vindeiros días 1 e 2 de abril será o congreso de fusión do que xurdirá a Federación de Servizos á Cidadanía
A FSC será o resultado da fusión da Federación de Comunicación e Transporte (FCT) e da Federación de Servizos e Administracións Públicas (FSAP)  
 
30-03-2009.- Esta mañá presentouse en conferencia de prensa o congreso de fusión da Federación de Comunicación e Transporte (FCT) e da Federación de Servizos e Administracións Públicas (FSAP), que terá lugar no Hotel Puerta del Camino (Santiago de Compostela) os vindeiros días 1 e 2 de abril.

Santiago de Compostela, 29/3/2009.-
CCOO expresa o seu rexeitamento polo acontecido na recente asemblea do Consello da Xuventude de Galicia
O sindicato reitera as críticas contra a forma en que as Xuventudes Socialistas xestionan este órgano  
 
29-03-2009.- A Secretaría de Xuventude do Sindicato Nacional de Comisións Obreiras (CCOO) expresa o seu rexeitamento polo acontecido este sábado na última asemblea do Consello da Xuventude de Galicia (CXG).

Santiago de Compostela, 28/3/2009.-
Faleceu Santiago Torrente, histórico militante de CCOO e actual presidente da Comisión de Garantías do Sindicato Nacional
28-03-2009.- Logo de meses de loita contra unha dura enfermidade, hoxe faleceu Santiago Torrente López, histórico militante de Comisións Obreiras e actual presidente da Comisión de Garantías do Sindicato Nacional.  
 
Santiago Torrente (Meá, Mugardos, 1947), estudou na “Escuela Obrera de los Hermanos de La Salle”, e comezou a traballar aos 15 anos. Á idade de 19 embarcouse e regresou en 1975 para se reincorporar a Bazán, onde liderou o Partido Comunista e as Comisións Obreiras no asteleiro.

27/3/2009.-
Comfia-CCOO e CSICA e UGT, organizacións asinantes do convenio de caixas de aforro, concéntranse hoxe
Apoian a convocatoria FES-UGT e a CIG  
 
27-03-2009.- Comfia-CCOO e CSICA e UGT, organizacións asinantes do convenio de caixas de aforro, concéntranse hoxe ás 11 horas na Coruña e Vigo. Apoian a convocatoria FES-UGT e a CIG.

Santiago de Compostela, 26/3/2009.-
CCOO convoca asembleas para falar das negociacións do convenio do comercio vario da provincia da Coruña
Serán nos locais do sindicato en Santiago de Compostela (21.00 h), A Coruña e Ferrol (22.00 h)  
 
26-03-2009.- A Federación de Comercio, Hostalaría e Turismo de Comisións Obreiras de Galicia (FECOHT-CC OO) convoca asembleas para este venres, día 27. O sindicato convoca a estas reunións tanto a delegados como a afiliados e simpatizantes de CCOO para lles presentar a realidade da mesa de negociación do convenio colectivo do comercio vario. Tamén sondará as valoracións do conxunto dos traballadores e traballadoras.

Santiago de Compostela, 24/3/2009.-
Xosé Manuel Sánchez Aguión reafirma que as prioridades para CCOO son o emprego, a cobertura social e o cambio de modelo produtivo
O secretario xeral do Sindicato Nacional de Comisións Obreiras de Galicia cre que a situación actual require a unidade de acción dos sindicatos maioritarios  
 
24-03-2009.- Xosé Manuel Sánchez Aguión, secretario xeral do Sindicato Nacional de Comisións Obreiras (CCOO), asegurou hoxe que as prioridades para o sindicato son o emprego, garantir a cobertura social e lograr o cambio de modelo produtivo. Así o expresou nunha entrevista concedida esta mañá á Televisión de Galicia.

Valencia, 24/3/2009.-
Resolución da Comisión Executiva do Sector Estatal de Medios de Comunicación sobre os contidos que debe abordar a Lei Xeral Audiovisual
24-03-2009.- Achegamos a resolución da Comisión Executiva do Sector Estatal de Medios de Comunicación (Federación de Servizos á Cidadanía) sobre os contidos que debe abordar a Lei Xeral Audiovisual. Poden descargala premendo aquí ou no PDF anexo a esta nota.

Lugo, 21/3/2009.-
Lugo dedicoulle hoxe unha rúa a Anselmo Sampedro Ania, antigo secretario xeral da Unión Comarcal, falecido en 2005
Cúmprese así o fin da campaña de recollida de sinaturas relizada por CC OO; ademais, é a primeira rúa que se dedica en Galicia a un sindicalista  
 
21-03-2009.- Lugo dedicoulle hoxe unha rúa a Anselmo Sampedro Ania, o que fora secretario xeral da Unión Comarcal, falecido en 2005. A nova rúa, a primeira que se dedica en Galicia a un sindicalista, sitúase entre o Camiño de Pipín e a Rúa da Milagrosa. Deste xeito lógrase o fin da campaña de sinaturas realizada pola Unión Comarcal de CCOO de Lugo e que contou co apoio do Concello, que accedeu a conceder unha rúa ao antigo dirixente sindical.  
 

Santiago de Compostela, 20/3/2009.-
Comisións Obreiras solidarízase coas traballadoras e cos traballadores do sector leiteiro e apoia as súas reivindicacións
20-03-2009.- Comisións Obreiras (CCOO) solidarízase coas traballadoras e cos traballadores do sector leiteiro galego ante a complicada situación que están a vivir, sobre todo pola caída do prezo do leite e pola intención dalgunhas empresas de lles deixar de recoller o produto.

Santiago de Compostela, 18/3/2009.-
CCOO reitera as súas críticas aos procesos selectivos do Consorcio Galego de Servizos de Igualdade e Benestar
Segundo Comisións, constitúen «unha fraude e un engano» por careceren de transparencia, obxectividade e participación sindical  
 
18-03-2009.- Comisións Obreiras (CCOO) reitera as súas críticas aos procesos selectivos do Consorcio Galego de Servizos de Igualdade e Benestar. Para o sindicato, constitúen «unha fraude e un engano» por careceren de transparencia, obxectividade e participación sindical.

Santiago de Compostela, 17/3/2009.-
CCOO demanda a convocatoria dunha OPE no ensino para cubrir, «como mínimo», preto de 600 prazas de reposición por xubilacións
O sindicato esíxelles coordinación aos responsables da Xunta saínte e da entrante para que non se paralicen as oposicións  
 
17-03-2009.- Comisións Obreiras (CCOO) demandou hoxe en conferencia de prensa a convocatoria dunha oferta pública de emprego (OPE) para o ensino. Segundo o sindicato, cómpre unha coordinación entre a Administración saínte e a entrante para que, «como mínimo», se cubran as preto de 600 prazas que precisan reposición por xubilación do profesorado.

Vigo, 14/3/2009.-
Xosé Manuel Sánchez Aguión é o novo secretario xeral do Sindicato Nacional de Comisións Obreiras
14-03-2009.- Logo da votación de onte á noite, no 9.º Congreso do Sindicato Nacional de Comisións Obreiras resultou elixido como novo secretario xeral Xosé Manuel Sánchez Aguión, quen ata agora era secretario de Organización. Sánchez Aguión, único candidato, recibiu o apoio do 62% dos delegados e delegadas que exerceron o seu dereito ao voto.

Vigo, 13/3/2009.-
Vídeos das intervencións das delegacións e comisións no 9.º Congreso do Sindicato Nacional de CCOO
13-03-2009.- Na web http://congresos.ccoo.es/galicia están dispoñibles en vídeo as intervencións das delegacións e das diferentes comisións do 9.º Congreso do Sindicato Nacional de CCOO. Poden consultalos clicando AQUÍ.

Vigo, 12/3/2009.-
Xan María Castro avogou porque as organizacións sindicais maioritarias celebren un 1.º de Maio unitario
O secretario xeral saínte valorou positivamente os acordos do diálogo social e instou a que se adopten medidas socioeconómicas de longo alcance  
 
12-03-2009.- O secretario xeral saínte do Sindicato Nacional de Comisións Obreiras, Xan María Castro, avogou hoxe na inauguración do 9.º Congreso da organización porque os sindicatos maioritarios en Galicia -CCOO, CIG e UGT- realicen actividades conxuntas que desemboquen nunha celebración unitaria do vindeiro 1.º de Maio. Na súa opinión, a situación actual así o require. Esta foi a principal conclusión da presentación do Informe Xeral, durante a cal abordou tamén outras moitas cuestións.

Vigo, 11/3/2009.-
O regulamento do 9.º Congreso aprobouse co voto a favor do 87 por cento das delegadas e delegados con acreditación
Non se rexistraron votos en contra nin abstencións  
 
12-03-2009.- Este mediodía aprobouse co voto a favor de 272 dos 313 delegados acreditados (o 87% do total) o regulamento do 9.º Congreso do Sindicato Nacional de Comisións Obreiras, que será a pauta pola que se rexerá o proceso iniciado hoxe. Non se rexistraron votos en contra nin abstencións.

Santiago de Compostela, 10/3/2009.-
9.º CONGRESO.- COMISIÓNS OBREIRAS, sempre MÁIS: máis dereitos, máis emprego, máis protección social
10-03-2009.- Este xoves, día 12 de marzo, comeza no Instituto Feiral de Vigo (IFEVI) o 9.º Congreso do Sindicato Nacional de Comisións Obreiras de Galicia, que se prolongará ata o sábado, día 14. O máximo órgano do sindicato fará balance dos últimos catro anos, debaterá as propostas de actuación para os catro seguintes e elixirá os membros da nova Comisión Executiva Nacional e da Secretaría Xeral. Poderán seguir o Congreso en directo desde ESTA PÁXINA

Santiago de Compostela, 4/3/2009.-
Manifesto do Sindicato Nacional de CCOO de Galicia ante o 10 de Marzo, Día da Clase Obreira Galega
04-03-2009  
 

Santiago de Compostela, 3/3/2009.-
CCOO pide incentivar o investimento público en infraestruturas, telecomunicacións e recursos humanos para frear o desemprego
03-03-2009.- O Sindicato Nacional de Comisións Obreiras (CCOO) considera que os esforzos dos interlocutores sociais e do novo goberno de Galicia deben centrarse en deter a destrución do emprego. Para iso, a Secretaría de Emprego da organización sindical pide incentivar o investimento público en infraestruturas físicas, telecomunicacións e recursos humanos, imprescindibles para o cambio do modelo produtivo, e garantir as prestacións por desemprego.

Santiago de Compostela, 3/3/2009.-
Resolución do Sindicato Nacional de CCOO con motivo do 8 de Marzo, Día Internacional da Muller
03-03-2009  
 

Santiago de Compostela, 2/3/2009.-
CCOO presenta mañá un informe sobre a muller e o mercado de traballo en Galicia
Forma parte dos actos do 8 de marzo, Día Internacional da Muller  
 
02-03-2009.- Comisións Obreiras (CCOO) presenta mañá, martes día 3 de marzo, ás 11 horas, o xa habitual informe anual sobre a muller e o mercado de traballo en Galicia. A presentación deste documento forma parte dos actos organizados polo sindicato para conmemorar o 8 de marzo, Día Internacional da Muller.

Santiago de Compostela, 2/3/2009.-
CCOO presenta o mércores os actos do Día da Clase Obreira Galega
Este mércores, ás 11:30 horas, na sala de prensa do Sindicato Nacional de CCOO  
 
02-03-2009.- Comisións Obreiras (CCOO) presenta este mércores, día 4 de marzo, ás 11:30 horas, os actos do Día da Clase Obreira Galega (10 de marzo) e explicará as principais reivindicacións sociolaborais para esa data.

Santiago de Compostela, 25/2/2009.-
COMUNICADO: A CIG, unha vez maís, mente no sector das ambulancias
25-02-2009.- A CIG láiase de que non hai unidade sindical no sector das ambulancias e culpa da desunión, a través dun panfleto, a CCOO e UGT porque «aínda non fomos capaces de consensuar unha plataforma unitaria» e porque non nos levantamos da mesa de negociación do convenio tras o despedimento dun afiliado da CIG.

Santiago de Compostela, 25/2/2009.-
COMUNICADO: Comisións Obreiras pide a colaboración da xustiza
25-02-2009.- O Sindicato Nacional de Comisións Obreiras de Galicia (CCOO) pide a colaboración da xustiza e das forzas de seguridade para determinar a responsabilidade dun traballador de CITE de Santiago (Centro de Información para Traballadores Estranxeiros), detido por un presunto delito relacionado con asuntos de estranxeiría.

Santiago de Compostela, 18/2/2009.-
Comisións Obreiras denuncia o uso clientelar do INEGA
18-02-2009.- Comisións Obreiras (CCOO) denunciou hoxe en conferencia de prensa as reiteradas irregularidades en materia laboral e os incumprimentos da lexislación vixente que está a cometer «de xeito continuado» a dirección do Instituto Enerxético de Galicia (INEGA), dependente da Consellaría de Innovación e Industria.

Santiago de Compostela, 17/2/2009.-
Mañá comeza en Santiago de Compostela o 9.º Congreso da Federación estatal de Sanidade de CCOO
17-02-2009.- Mañá, día 18 de febreiro, comeza no Hotel Puerta del Camino de Santiago de Compostela o 9.º Congreso da Federación estatal de Sanidade de CCOO, que se prolongará ata o venres, día 20. Ás 10 horas prevese o inicio dos actos de inauguración do congreso. Máis tarde, ás 11 horas, darán as benvidas o alcalde da capital galega, Xosé Sánchez Bugallo, a conselleira de Sanidade, María Xosé Rubio, e o secretario xeral do Sindicato Nacional de CCOO, Xan María Castro.

Santiago de Compostela, 17/2/2009.-
CCOO denuncia irregularidades, incumprimentos e prácticas antisindicais no Instituto Enerxético de Galicia
17-02-2009.- Comisións Obreiras (CCOO) denuncia irregularidades, incumprimentos e prácticas antisindicais no Instituto Enerxético de Galicia (INEGA) que lle están a causar «prexuízos graves» ao persoal. Por este motivo, o sindicato dará unha conferencia de prensa mañá, mércores día 18 de febreiro, ás 11:30 horas.

Santiago de Compostela, 17/2/2009.-
CCOO convoca paros no servizo de limpeza dos hospitais composteláns
17-02-2009.- Comisións Obreiras (CCOO) convoca paros no servizo de limpeza dos hospitais composteláns para todos os mércores, xoves e venres do mes de febreiro. O sindicato denuncia o incumprimento do acordo sectorial polo cal este colectivo debe percibir un complemento económico en concepto de carreira profesional.

Santiago de Compostela, 13/2/2009.-
Medio cento de delegados e traballadores concéntranse diante da libraría “Abraxas 2” en solidariedade cunha compañeira despedida
CCOO convoca unha conferencia de prensa para o vindeiro luns, día 16 de febreiro, na que dará conta do caso desta traballadora e denunciará tamén a situación do persoal da gardaría dos Tilos  
 
13-02-2009.- Máis de medio cento de delegados de Comisións Obreiras (CCOO) e traballadores concentráronse esta tarde diante da libraría “Abraxas 2” en solidariedade con Ánxeles Álvarez, a empregada máis antiga do grupo ao que pertence este establecemento.

Santiago de Compostela, 12/2/2009.-
CCOO convoca unha concentración diante da libraría Abraxas II en solidariedade coa persecución laboral a unha traballadora
12-02-2009.- A Federación de Comercio, Hostalaría e Turismo de Comisións Obreiras de Galicia (FECOHT-CCOO) convoca unha concentración en solidariedade con Ánxeles Álvarez, a traballadora máis antiga da empresa á que pertence a libraría Abraxas II de Santiago de Compostela. O acto reivindicativo será mañá venres, día 13 de febreiro, das 17 ás 18:30 horas, diante da citada libraría (Rúa Nova de Abaixo n.º 7).

Santiago de Compostela, 12/2/2009.-
CCOO critica a posibilidade de que se cree un segundo rexistro para a frota atuneira e de palangre de superficie
Desde a Unión Europea xa se rexeitou esa posibilidade para calquera tipo de frota porque suporía a desaparición dos poucos dereitos regulados por lei  
 
12-02-2009.- Comisións Obreiras (CCOO) critica as declaracións do secretario xeral do Mar, Juan Carlos Martín Fragueiro, sobre a creación dun segundo rexistro para a frota atuneira e de palangre de superficie en augas internacionais.

Santiago de Compostela, 9/2/2009.-
CCOO critica o PP de Vigo por poñer en cuestión a profesionalidade dos traballadores da residencia pública de maiores do Meixoeiro de Vigo
09-02-2009.- CCOO denuncia que se «aproveite» a campaña electoral para atacar os servizos públicos da Xunta de Galicia, polo que considera demagóxico e interesado o papel desempeñado polo PP de Vigo ao se sumar ás denuncias dos familiares de pacientes internados na residencia de maiores do Meixoeiro, poñendo en cuestión, sen máis, a profesionalidade dos traballadores/as, sen antes corroborar os feitos.

Santiago de Compostela, 4/2/2009.-
Os traballadores da seguridade privada mobilizaranse para reclamar subas salariais
Acordárono nunha asemblea que tivo lugar o pasado mes de xaneiro e á que acudiron 150 membros deste colectivo profesional  
 
04-02-2009.- Os traballadores da seguridade privada de Galicia mobilizaranse para reclamar subas salariais, segundo acordaron na asemblea que organizou Comisións Obreiras (CCOO) o pasado pasado 29 de xaneiro na Coruña e á que acudiron 150 membros deste colectivo profesional.